الكزس

[متعب ثواب الجعيد]

يالله طلبتك يا عليم ٍ بالاحوال = ما غيرك احد ٍ حي حنا طلبناه
تفرج لقلب ٍضاق من كثر الاهوال = قفت سنينه ما لحق غاية امناه
الله على اللي مشيته تشرح البال = عز الطلب كم قرب البعد ممشاه
من نوع لكزس فل للعز تمثال = يازين تصميمه ويا بعد ممساه
له نصبة ٍ يفخر بها كل رجال = وفعل ٍ شهد به من يسوقه ويقناه
يشريه راعي جاه واصحاب الاموال = ماهي خساره فيه بالفعل والجاه
مركب هل الشيكات ورجال الاعمال = عزاه ياقلبي من الوجد عزاه
كنه ليا اقبل من صناديد الابطال = يسوق نفسه راهي ٍفعل يمناه
يفز فزة قايد الجول بهبال = ما ينطرح فسقان ما اطغاه ماطغاه
نوره ليا منه كشح طيَب الفال = برق ٍ تلالا يذهب الشوف ما قواه
اليا اعترض جذاب بالوان واشكال = كم واحد ٍ ليا شاف لونه تمناه
واليا تجاوز يسبق الريح ينهال = سواة نجم ٍ هال في غير مجراه
خلفيته تسلب هل الميز باذهال = ارداف ترف ٍنود غربي تقفًاه
كل الحلا والذوق والحسن ينقال = في داخليه راعي الفن سواه
تصميم طبلونه على اللمس شغَال = كبينة الميراج مثله وحلياه
ديكورعاج وطارته مالها امثال = ليا حولت بالحظن والسلف ما احلاه
في شاشة التوجيه وحساب الاميال = مشبوك بالاقمار فخمه مزاياه
وصوت ٍزها بالغنج يشرح عن الحال = عبر الفضاء توجيه وارشاد لو تاه
كن المراتب حظن منقوشة الشال = تحضنت معشوقها تطلب ارضاه
يازين ليا جريت بالصوت موال = معطي به فجوج ٍعن الضيم منجاه
هذا هوى من جاه فالقلب ولوال = يكفيه ما جاء له من الوقت ماجاه
لو ما الحيا دمعه من العين همال = هاجوس يقبل به وهاجوس وداه
يا عاذلين القلب عن ود ووصال = القلب يكفخ كل ماوحيت طرياه

آخر تعديل متعب ثواب الجعيد يوم 21-Oct-2010 في 02:19 AM.