سلام ياعتيبه موصل من سهول

[عيد بن دمخه]

سلام ياعتيبه مجيدين الافعال = يالابة ارجالن طحاطيح وزحول
وانا من اللي مجدهم برق وخيال = لابة كريمين العطايا من سهول

[عيد بن دمخه]

ليلي سرا وانا انتضر رد الارسال = مير الغريبه مابه احدن لي يقول
عليكم التسليم والشعر منزال = مير ابروح مع بيوتي وابزول

والله ياعتيبه اني جيت ابسلم وابمشي مير مالقيت اللي يرد التحيه

لكن اكرمكم الله

[زياد العصيمي]

الله يحيك يالسهلي والله اني ماشفت الموضوع واخواني الشعار فيهم الخير بس يمكن انشغلوا مار ابشر بالرد

[عبد الكريم العازمي]

عيد هداك الله أنت تشوف كل شاعر زاهم له شاعر ويمكن ما سمح لهم الوقت يردون عليك لكن زياد فيه الخير والصف صفك ولا يهون زميلك

[زياد العصيمي]

استلم يالذيب وسامحنا على القصوور:
يامرحبا يالمسلم في محل رجال = على الوفا والطيب والعقد محلول
ان كان تبغى الجزل فابشر بالجزال = وان كان تبغى السيل ياكثر السيول

[عيد بن دمخه]

الك البقا والشعر يضرب بك الجال = وانا ركبت الخيل والسيف مسلول
بملعب عتيبه وادي الشعر قد سال = مير انتبه لا تصبح اليوم مبلول

[زياد العصيمي]

في ملعب عتيبه عسى قام لك حال = ولاانت لاصاحي ولاانته بمهبول
ان كان سال السيل وافي وهمال = انا بنيت جدار ماهوب مهمول

[عيد بن دمخه]

بس انتبه للسقف من هول الاهوال = خوفي يطيح ويذبحك وانت مشغول
في تل موالك يلاله ويالال = وابلش مع العتبان شنات واطبول

[خالد عواض الذيابي]

عيد ابن دمخه

صح لسانك على الابداااااع

تقبل مروري

[خالد عواض الذيابي]

زياد

صح لسانك


ولاهنت والليل الليل



تقبل مروري