علي العضياني و نايف العزيزي طاروق رائع

[ابو فايح]

أقدم لكم طاروق رائع يستحق النقل جمع بين الشاعر المبدع علي العضياني والشاعر الرائع نايف العزيزي

طاروق بدأه علي العضياني بأسلوب رائع أنه غريبه على قبيلة مطير ألا تهتم بشاعر مثل نايف العزيزي وأنه مقبور شعريا

ويستمر الطاروق فالحديث عن هذا الأمر .

علي العضياني

يا مرحبا في مقام أهل المقام الكبير = ربعي عتيبه هل النوماس والمفخره
ياليل ما أطيبك ياللي جبت شاعر مطير = اللي نعزه من الأصحاب ونقدره

نايف العزيزي

دام البقا والعلوم الطيبه فالضمير = ياالشاعر اللي ليا غنيت فيك ثمره
الناس بالناس لو إن الفلك يستدير = لكن ما أحد(ن) مسوي شي ما يقدره

علي العضياني

الطايره فالمدرج كيف عيت تطير = وأنته جوازك معك ومختم التذكره
مطير صارت عليهم سالفه ما تصير = رجالهم يدفنونه حي فالمقبره

نايف العزيزي

إن عاش راسك ياعلي تشوف شي كثير = لكن لا تنكرون العفو والمقدره
ماهي غريبه عليك تطيرون البعير = والليله أنته تقول الشاعر المنقره

علي العضياني

من يزرع البر ما يحصد بداله شعير = واللي زرع له ذره يحصد بدلها ذره
رشحت نفسك بدال العير فمطير عير = وأحيان فالميمنه وأحيان فالميسره

نايف العزيزي

يا شمعة النور ماكل العرب تستنير = واللي زرع خس يمكن يزرع الكسبره
وأبا أتريح وأعين مع عتيبه سفير = ماتدري إن الجمل مافيه غير ظهره

علي العضياني

ما يدخل الجنه اللي طاح في زمهرير = يالله في طاعتك والعفو والمغفره
لا تعترض للبعير اللي يقب الهدير = وتروح يا شاعر المطران تحت نحره

نايف العزيزي

إليا رزقنا الهدايه فعتبرنا بخير = اليوم ما ينفع الرجال زود ظفره
أدهن لك السير مار السير عيا يسير = واللي بظل العشر عشرين وإلا عشره

علي العضياني

يا زين بشت الأماره فوق متن الأمير= الكيف يستاهله والعود فالمجمره
الفارس اللي معه فالحرب سيف(ن) شطير = ما يقتل المحتضر في حالة الغرغره

نايف العزيزي

ترى المظاهر تغش الناس وقت(ن) قصير = ما أكشف مغطى ولا مكشوف(ن) أبا أستره

التوقيع

عالم تويتر abofayeh@

[الصميدع المقاطي]

صح لسان الشاعرين .. محاورة جميله حقيقه

بالتوفيق للجميع ..

[سعد الذابح]

الله الله الله الله


علي العضياني x نايف العزيزي


شعراء عمالقه


وطارووق اسمتعت بقراءته


ويستحق القراءه عدة مرات


ومشكور ابو فايح على ذائقتك الجميله

[جمال العضياني]

الله الله
صح لسان ياعلي
وصح لسان نايف

ابداع&ابداع
محاورة فتل ونقض على مستوى عالي....

لاهنت يابوفايح على النقل.....

[محمد النخيش]

الله الله الله

طاروق رااائع بروعه شعاره

وعلي ونايف فوق كل تفييم

لاهنت يابو فايح

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[عبدالله الجـــذع]

الله

محاوره رائعه جداً

للشاعر القادم بقوه ماشاء الله ابو فلاح

نتمنى لشاعرنا كل خير في مسيرته الشعريه

والف شكر للقدير ابو فايح على جلب ماهو جديد ورائع


محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[& محمد خالد القحطاني &]

صح الله السنتهم جميع محاورة تستحق النقل والاشادة



لاهنت يابو فايح


تحياتي

[سلطان بن ثعلي]

كل الشكر الجزيل لك ابو فايح على نقلك للمحاورة


صح لسان ابو فلاح ولسان نايف العزيزي


وشعار في غنى عن التعريف كلهم نجوم ...


نتمنى لهم التوفيق

[محمد العتيبي]

لاهنت يابو فايح على الاختيار الجزل ..




تحيتي
..

التوقيع

للتواصل عبر twitter تويتر al_bargawy@

[ابو فايح]

لاهنتوا جميعا على مروركم الرائع