تموت من بف باف والا من الريد - الهيـــــــــــــلا *** منتدى قبيلة عتيبة

عبدالله بن نور الأسعدي · 05-Oct-2010, 04:22 AM

:

السلام عليكم ورحمة الله وبركاته

صباح / مساء الخير على الجميع ... وأتمنى أن تكونوا بأتم صحه وعافيه ...

وعلى أفضل حال ... أطرح لكم هذه القصيده وهي موجهه إلى الرافضي

خاسر الكريه ... أو مايسمي نفسه ياسر الحبيب ... والحبيب هو نبينا ...

عليه أفضل الصلاة وأزكى التسليم ... وهذا الخاسر إنما هو كريه وخبيث ،

وهذه المره أطرح القصيده بدون تنسيق لأنه لايستحق التكلف في طرح

القصيده الموجهه له ، أقول وأعماركم تطول بعد بسم الله الرحمن الرحيم :

يالرافضي مانيب من لابة اسعود === لن كان ماجتك القوافي عباريد

رميي مصيبك لو تطاير به النود === راسك هو الشاره وللشاره اصيد

لو انت رجالن تواجه بمجرود === لكنك اتفضل تحارب من ابعيد

عرض النبي عرضي وعن عرضي اذود === ماني عن الماقف أحاوص ولا احيد

إي والله اني فاللقا صامل زنود === ماطيح أطيَح فاللقا نايف الحيد

يوم اني اصغيَر طرحت اللي ايقود === قومه نهار الكون قدم الصناديد

ياكيف ذلحينه بعد جالي اعضود === والقلب بالدقه به القسوه اتزيد

ياكيف ذلحينه وخصمي من الدود === مدري من الذبان والا الجراريد

خسارتن بك قفش من غير عبرود === مافيه داعي للفشق والبواريد

خسارتن أبذل علاك اي مجهود === تموت من بف باف والا من الريد

بخه بعدها اتكون خاسر ومفقود === ترى الدعايه صدق خفاي ويبيد

علاك كل اللي طلع منك مردود === مع ردته ردين في فمك من بيد

وجهك قفا وردوفك الوجهك اخدود === ولسانك ايشابه ذنب أخضر ابليد

ماتنتغارب منك دام انت مولود === ضرب التمتع والفتاوي شواهيد

هذي فتاويكم وأنتم لنا اشهود === تستاهل اللي جاك هذا هو الفيد

ترى الفتن في دارنا اعيونها ارقود === إلكم ورى توقيظهنه مقاصيد

مدعوم لجل اللاظي ايكون موقود === من اللذي فالح بكثر التهاديد

مابيننا مع ربعك افدارنا احدود === متوالفين افعز حكم المجاريد

دربن يجيب العار للأم مسدود === بجبال طهر وعفه وصدق توحيد

ونا كلامي ابكلمة الله مسنود === لكم تحتها افسورة النور تحديد

للآيه احدعشر علاك انك اتعود === إتل وتدبر والتلاوه بتجويد

هذي تراها أمنا أشرف الخود === هذي تراها عايشه عشقة السيد

حبيبة الحبيب والا انت مقرود === كريه مايتبعك غير المقاريد

في بيتها الحبيب بالموت موعود === في بيتها مدفون فوقه جلاميد

أكثر نزول الوحي لن كان موجود === في بيتها وفيومها وذي تواكيد

على انها أطيب من المسك والعود === واحب له من جنس عظيمة الكيد

هذا كلامن فالاحاديث مورود === واردده لك فالقصيده تراديد

تمت ولافيها من النقد منقود === راجي بها ربي نهار المحاصيد

وختامها على النبي خير محمود === صليت ثم سلمت وآعيد وآزيد

شعر / عبدالله بن نور الأسعدي العتيبي