تذكرني بقصة قوطي الببسي ودكانه = تغلا والنهايه زدته وجبته بنص ريال

[زياد المزرمي]

الا ياقلب يامعزب ضميرٍ جوه ضيفانه = ضيوفه من هواجيسٍ تسر وتبدع الامثال
حداها لين وردها لهيب القيض ضميانه = تداحم فوق عدٍ ينعناله والحبال طوال
على فرقا وليفٍ داخل المعلوق مسكانه = يهيض ويستبد بخاطري حيث الهوا قتال
بدونه ياسفٌر ماضخ قلبي دم شريانه = سوات الاسبرين اللي بدوره فالدمي سيال
فتني في زمانٍ فيه نص الناس فتانه = خذاني بعد خلاني بليا قلب ولا البال
يوصا باللزوم وكنه يوصى بنسيانه = الا يالله دخيلك حب مدري في هواي هبال
لقيته قلت له ارحم عيونٍ فيك سهرانه = تمنى شوفتك لو هي مناوي فالنفوس وفال
مادام ان الغلا بيني وبينك برج عمدانه = نبا نرسل رسايل حب والرابط على الجوال
وليا منه تقطع صوت موالي عن ألحانه = دخيلك لا تشره واترك الشرهه على الارسال
على شانك نعيد الصوت والاشواق رنانه = يالين ان المشاعر تطرب وتلعب على الموال
هذا بيت الغلا وانفك لك بأقفال بيبانه = على كيفك تجي وتروح بالمفتاح والاقفال
وليا من الغرور اغواك تصقل سيف شيطانه = وتطعن في ضميرٍ لجل حبك يبني الامال
ابصبر مالي الا الصبر مكتوبه وعنوانه = صبرنا ليال والباقي من الدنيا حصاد ليال
ترا مال التغلي في مسار الهوى خانه = نصيحه لا تغلا تفرح وتضحك بنا العذال
اببكي صدق من داخل ويخفي دمعي اعيانه = لاني عارفٍ وشهي مكانة دمعة الرجال
وابخفي جرحي المطعون عن ناظور طعانه = وبضحك وان نشدني شخص عنه اقول له لا قال
تذكرني بقصة قوطي الببسي ودكانه = تغلا والنهايه زدته وجبته بنص ريال
وانا تبغى الحقيقه فيه حتى النفس حيرانه = سفينه تلعب الامواج فيها مارست في جال
اكن الجمر في قلبي لو ان ناره ودخانه = تبيّن خافي المكنون وتفسّر عن الاحوال
لكن طبعي كتوم ولا اختلف معيار ميزانه = اقول الجو صافي لو على راسي نشا الهمّال
لحيث الخبل ما يطري على قلبه على لسانه = يعلم بالعلوم اللي تغث وتفكر العقّال
هذا مكتوب مرسولي إله وحروف قيفانه = عسى بعد القطيعه يربط حبال ويصير وصال
وصلك القاف ياسفّر الشطيطي وانت سلطانه = تصوغ حروفه وتنظم فرايدها كما السلسال
تغوص البحر واللي جبت لولوه ومرجانه = وعلى البيدا تبرك لك وتنقلّك حمول جمال
هذا نص الكلام اللي وصلك وجاك برهانه = على صوته نبا صوت الصدا في موجة الارسال

زياد المزرمي

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[مرزوق حمدان العتيبي]

..

صح الله لسانك يازياد
ابداع بكل المقاييس
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[زياد المزرمي]

المشاركة الأصلية كتبت بواسطة مرزوق حمدان العتيبي

..

صح الله لسانك يازياد
ابداع بكل المقاييس
...

ابو حمدان

صح بدنك يالغالي

والابدااع يكمن في حضورك ومرورك المشرف

لك خالص تقديري

[ولدعساف]

حياك الله .. ويقولون : " من طول الغيبات جاب الغنائم " وها أنت أتيت لنا بغنيمه أدبيه و صح لسانك عليها يازياد .. مبدع الله لايضرك

ولا طول الغيبات

محبك

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[زياد المزرمي]

المشاركة الأصلية كتبت بواسطة ولدعساف

حياك الله .. ويقولون : " من طول الغيبات جاب الغنائم " وها أنت أتيت لنا بغنيمه أدبيه و صح لسانك عليها يازياد .. مبدع الله لايضرك

ولا طول الغيبات

محبك

الله يبقيك ياولد عساف

وشوفتك بحد ذاتها غنيمه ومكسب

صح بدنك ومشكور على المرور الرائع

لك خالص تقديري

[أسير القوافي]

صح لسآنك ياكبتـن ،،





وآفيـه وآفيـه ،،





والله لا يضرَك ،، قصيـده عن قصيـده ،، وأرآهـن عليـك قريبـا ،،




تحيتي لشخصك !!

[محمد النخيش]

زياد الشطيطي


مازلت تبهرني بكل جديدك


صح لسانك يامبدع

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[أبو مرحبا]

قصيدة رائعه

صح السانك يالشطيطي

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد العتيبي]

رائعه يازياد ..



صح الله لساااانك ..



تحيتي
..

التوقيع

للتواصل عبر twitter تويتر al_bargawy@

[حاكم الغنامي]

الشهاده فيك مجروحه يابو صالح



صح لساااااااانكــــ

التوقيع

سبحــــان الله وبحمدهـ hakem81@live.com