الأرض لله ، كلمات بديوي الوقداني ، آداء مشاري العفاسي

[رايد الهديبي]

السلام عليكم ورحمة الله بركاته

من العايدين وكل عام وانتم بخير ..

اليوم جايب لكم شيله للشاعر الكبير رحمه الله / بديوي الوقداني

وهي من اداء المميز المنشد المعروف / مشاري العفاسي

..

للمشاهده صوت وصوره



..

لقراءة القصيده

..

الارض لله نمشـي فـي مناكبـهـا = والله قـدر لـنـا ارزاق واجـالـي
حـث المطايـا وشرقهـا وغربهـا =واقطع بهـا كـل فـج دارس خالـي
واطعن نحور الفيافـي فـي ترايبهـا =وابعد عن الهم تمسي خالـي البالـي
من فـوق عمليـة تقطـع براكبهـا =فدافـد البيـد درهــام وزرفـالـي
تبعدك عـن دار قـوم ودار تقربهـا = واختر لنفسـك وللمنـزال منزالـي
لو مت فـي ديـرة قفـرا جوانبهـا =فيها لوطي السباع الغبـس مدهالـي
اخير من ديـرة يجفـاك صاحبهـا =كـم ذا الجفـا والتجافـي والتعلالـي
دوس المخاطر ولا تخشـى عواقبهـا = تسعى على الرزق ماحـت للاشبالـي
والشمس في برجها والغيـم يحجبهـا = قفي وتقبل لها في العـرش مجدالـي
رب السماوات يامحصـي كواكبهـا = يا مجري السفن في لجات الاهوالـي
ضاقت بنا الارض واشتبت لهايبهـا =والغيث محبـوس يـارزاق ياوالـي
يالله مـن مزنـة هبـت هبايبـهـا = رعادها بات له في البحـر زلزالـي
ريح العوالي مـن المنشـا تجاذبهـا =جذب الدلي من جبا مطويـة الجالـي
ديمومـة سبلـت والاخـت ذوايبهـا = وانهل منها غزيـر الوبـل همالـي
تسقي ديار شديـد الوقـت حاربهـا = ما عاد فيها لبعض النـاس منزالـي
يا جاهـل اسمـع تماثيـل مرتبهـا = فيها معانـي جميـع القيـل والقالـي
مثل المحابيـب زادت فـي قوالبهـا = في صرفها زايدة عن قرش وريالـي
يـارب توبـه وروحـي لاتعذبهـا = يوم القيامـة اذا ماضاقـت اعمالـي
وازكي صلاتي على المختار واوهبها =شفيعنا يـوم حشـر فيـه الاهوالـي

تحياتي ..

[تركي ابن مكه]

الله يرحمك يابديوي يااعاضم شعراااء النبط
هذي معلقة من معلقات الشعر
وبديوي
كان من اعضم الشعراء نضم ومحاورة وفصيح
رايد سلمت يالغالي

[ولدعساف]

وعليكم السلام ورحمة الله وبركاته ..

,,

من الفايزين , وأنت بصحه وعافيه ..

,,

بيض الله وجهك ع الاختيار والانتقاء المميز .. ورحم الله بديوي الوقداني .. وصح صوت الشيخ مشاري العفاسي ..

,,

محبك

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[صميدع.]

,

تسلم يا رايد.. والله يرحم بديوي الوقداني..

[مشـاري العصيمـي]

يعطيك العافية على النقل

[خـال ـد]

أيامنا والليالي كم نعاتبها = شبنا وشابت وعفنا بعض الأحوالي

هذا هو مطلع القصيده

والله يرحم الشاعر الكبير // بديوي الوقداني

وشكرا لنقل القصيده

[رايد الهديبي]

لاهنتو علي المرور

[محمد العتيبي]

الله يرحم بديوي الوقداني



هذه القصيده تسمى شيخة القصائد النبطيه ..



ولو ان العفاسي لم ينشدها كامله ولكن لا بأس بها .. وبصوت ابو فيصل


افضل بكثير ..



لا هنت يالغالي
..

التوقيع

للتواصل عبر twitter تويتر al_bargawy@

[رايد الهديبي]

لاهنت علي المرور ..

[فايز بن سرحان الثبيتي]

لاهنت يارايد الهديبي على الموضوع

ورغم طول القصيده لكن .. اولها اولها ثم تاليها "

والشيخ مشاري العفاسي انشد تاليها وترك اولها "

هذي شيخة قصيد عتيبه " الله يرحمك يابديوي الوقداني :

أيامنــا والليالــي كــم نعاتبهـا =شبنـا وشابت وعفنـا بعض الأحوالـي
تاعد مواعيــد والجاهـل مكذبهـا =واللي عرف حدهـا من همهـا سالـي
إن أقبلـت يوم ما تصفـى مشاربهـا =تقفـي وتقبـل وما دامـت على حالي
في كــل يوم تورينـا عجايبهـا =واليوم الأول تراه احسـن من التالـي
أيـام فـي غلبهـا وايـام نغلبهـا =وايام فيهـا ســوا والدهـر ميالـي
جربت الأيام مثلـي من يجربهـا =تجريب عاقل وذاق المــر والحالـي
نضحك مع الناس والدنيا نلاعبـها =نمشي مع الفي طوع حيـث ما مالـي
كم من علومٍ وكــم آدب نكسبهــا =والشعر مازون مثقــالٍ بمثقالــي
اعرف حروف الهجاء بالرمز واكتبها =عاقل ومجنون حاوى كـل الأشكالي
لكن حظــي ردي والروح متعبهـا =ما فادني حسن تاديبي مـع أمثالـي
إن جيت ابي حاجـةٍ عزت مطالبها =العفو ما واحدٍ فــي الناس يا والي
قومٍ الـى جيتهـا رفـت شواربهـا =بالضحك واقلوبها فيها الردا كالـي
وقومٍ الى جيتها صكـت حواجبهـا =وابدات لي البغض في مقفاي واقبالي
ما كنــي إلا مسوي حــال مغضبهــا =والكل في عشرتـه ماكر ودجالـي
يا حيف تخفي أموراً كنت حاسبهـا =واللي على بالهـم كلـه على بالـي
الجار جافـي وكـم قومٍ محاربهـا =والأهل وأصحابنا والدون والعالــي
والروح ويش عذرها في ترك واجبها =راح الحسب والنسب في جمع الأموالي
نفسي تبى العز والحاجات تغصبهـا =ترمي بها بيـن أجاويـد وانذالــي
المال يحــي رجالاً لا حيـاة ابها =كالسيل يحي الهشيـم الدمدم البالــي
عفت المنازل وروحـي يوم اجنبها =منها غنيمـه وعنها البعـد أولا لـي
لا خير في ديرةٍ يشقـى العزيز ابها =يمشي مع الناس في هـمٍ وإذلالـي
دارٍ بها الخــوف دومٍ ما يغايبهـا =والجوع فيها ومعها بعض الاحوالي
جوعى سراحينها شبعـى ثعالبهـا =والكلـب والهـر يقـدم كل ريبالـي
عز الفتى راس ماله من مكاسبهـا =يا مرتضي الهون لا عزٍّ ولا مالي
دللت بالروح لين ارخصت جانبهـا =وانا عتيبي عريب الجـد والخالـي
قومٍ تدوس الافاعـي مع عقاربهـا =ولها عزايم تهــد الشامـخ العالـي
خل المنازل وقل للبيــن يندبهــا =يبكي عليها بدمـع العيـن هطالـي
لا تعمـر الدار والقالات تخربهــا =بيع الردي بالخساره واشتر الغالـي
ما ضاقت الأرض وانسدت مذاهبها =فيها السعــه والمراجــل والتفتالِ
دارٍ بدار وجيــرانٍ نقاربهــا =وارضٍ بأرض وأطلالٍ بأطلالـي
والناس اجانيب لين إنك تصاحبهـا =تكون منهــم كما قالوا بالأمثالـي
الارض لله نمشــي فـي مناكبهـا =والله قدر لنـا أرزاق وآجالـــي
حث المطايـا وشرِّقهـا وغرِّبهــا =واقطع بها كل فـجٍّ دارسٍ خالــي
واطعن انحور الفيافـي في ترايبهـا =وابعد عن الهم تمسي خالي البالـي
من كل عمليـةٍ تقطــع براكبهـا =فدافد البيــد درهـامٍ وزرفالــي
تبعدك عـن دار قـومٍ ودار تقربها =واختر لنفسـك وللمنزال منزالــي
لو مـتّ فـي ديرةٍ قفراً جوانبهــا =فيها لوطـى السباع الغبس مدهالي
اخير مـن ديرةٍ يجفـاك صاحبهـا =كم ذا الجفا والتجافـي والتعلالـي
دوس المخاطر ولا تخشى عواقبهـا =الموت واحد وبعد العـز يجلالـي
ان المنايــا إذا مـدت مخالبهــا =تدركك لو كنت في جو السما العالي
ما قرت الاسد في عالـي مراقبهـا =تسعى على الرزق ما حنت للاشبالي
والشمس في برجها والغيـم يحجبها =تقفي وتقبـل لها في العرش مجدالِ
رب السماوات يا محصي كواكبهـا =يا مجري السفن في لجات الأهوالي
ضاقت بنا الأرض واشتبت شبايبهـا =والغيث محبوس يا معبـود يا والي
يا الله من مزنــةٍ هبـت هبايبهـا =رعادها بات له في البحر زلزالي
ريح العوالي من المنشـا تجاذبهـا =جذب الدلى من جباء مطوية الجالي
ديمومةٍ سبلـت وأرخت ذوايبهــا =وانهل منها غزير الوبـل همالـي
تسقي دياراً شديد الوقـت حاربهـا =ما عاد فيها لبعض الناس منزالـي
يا جاهل اسمـع تماثيـلاً مرتبهـا =فيها معاني جميـع القيل والقالـي
مثـل المحابيـب زادت في قوالبها =في صرفها زايده عن قرش واريالي
يا ربي توبه وروحي لا تعذبهــا =يوم القيامه إذا ما ضاقت اعمالـي
وازكى صلاةٍ على المختار نوهبها=شفيعنا يوم حشر فيه الاهوالي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن