السلام علاكم 
امامكم قصــائد المســابقة ..
والتي شارك بها نخبة من شعراءنا المميزين ...
ما عليكم سوى إختيار أجمل قصيدة بالتصويت
و دون ذكر ذلك في الردود ....
- كما يمنع التصويت عمـّن تاريخ تسجيله :
26-02-2005 وما بعد ...
- مدة التصويت 10 أيام ...
إليكم :
القصيدة الأولى :
الحياة أحيان حلوة واكثر الأحيان مـُرّة=تــِـضحك الرّجّال مـَرّة ثم تِبكيه ألف مـَرّة
كيف عاد اللي زمانه ما صفى له يوم واحد= ماتهــنّــى في حياته .. كلّــها مــُرّة بــ مـُرّة
الله يعين الخفوق اللي تبلّته المشاكل=بين فرح وبين هم ولا نظن إله المقرّه
بس همه ساطـيٍ به من زمانٍ ما يسره= عقب ما جاني خبر هز الضلوع المستقرّه
قالوا العله مصيبه تدمي جروحٍ سليمه=ودمعت عيني وضاق الكون مع وسع المجرّه
كيف ابا اصبر عقب جابوا لي علوم اهل القشر= ليت ربي يشفي الغالي ويكفيه المضرّه
جسمي الواهن عظامه يا عرب عيت تشلّه=كني المقطوع ضامي في خلا مدري بحرّه
قالوا الموعد ترى في سابع العيد وتجي=من مشاريف الحويه لين تاقع في مسرّه
والليالي يا "وصل" تقبل علي بكل علّه=قمت أحمطر في رصيفٍ لين بانت فيه جرّه
أدعي الله كل ليله ياخذ بيد المسمى= من صغير المزن حرفه في حياته ما تشرّه
تحت رجلينه جنان الله وعلم الطيب كلّه=إدعوا الله.. ما يصيبه من بلا.. مثقال ذرّه
ارفعوا معي اليدين وقولوا "آمين" وبعد= كرروا معي الدعا والله لاكرر ألف كرّه
القصيدة الثــانية :
الحياة إحيان حلوه وأكثر الأحيان مره = تضحك الرجال مره ثم تبكيه ألف مره
كيف عاد اللي زمانه ماصفي له يوم واحد =ماتهني في حياته كلها مرة بـــــمره
عاش بأيام الطفوله لا يعه يتم الليالي = مات أبوه وهو توة وماتت امه منه حره
وأعتزي عمه وجابه ثم رمابه عند عمّه = قال هاك الورع أمانه وأفطني يلقي مضره
قالت أبشر لا يهمك وأعتبره أصغر عيالي= قالته قدام وجهه وإن ظهر قامت تعره
كل يوم يشوف ويله وإن حكي يزداد همه = تحرمه وجبة غداه وفالمساء عنها تجره
ويوم شد العود شمر قال أبادور وظيفه = وسجل المسكين جندي ضابطه دايم يكره
فالصباح يصب دله بالمساء يمسك خفاره =يستعد إن شاف ضيحه يرتبك ويزيد شره
جبت نبده عن حياته والبقيه في سجله=يصعب التعبير عنها لو كشف لناس سره
ما اقدر اكمل حديثي أعذروني يا رفاقه = دمعي اللي خازنه عين الشقا قامت تثره
وش يقول اللي حياته كلها مره ومره = ما ضحك لو كان مرة قد بكي مليون مرة
القصيدة الثالثة :
الحياة أحيان حلوة واكثر الأحيـان مُـرّة=تِضحك الرّجّال مَرّة ثم تِبكيه ألـف مَـرّة
كيف عاد اللي زمانه ما صفى له يوم واحد= ماتهنّى في حياته كلّها مُـرّة بـمُـرّة
والمرض قافي ضلوعي والسبب ساس المضره=سبت اللي غاب عني وانتشل قلبي وجره
والمصيبه مالقيته لو لقيته صار جاحد=عزتي للي مشى دربي يبا درب المسره
عقبها جريت ونه لين وصلت المجره=ماحتمل عقبه ولاني محتمل مثقال ذره
ياوصل وصل قصيدي وسط صفحات الجرايد=قلهم هذي علومي وأعرفه وأعرف مقره
كود خلي يقري الموضوع وأقليبه يفره=تذكر أيام(ن)مضت مع خلها خيره وشره
لو تبا مليون وألا أفخم أنواع القلايد=تطلب اللي تطلبه بس حبنا لازم تقره
لو تقر الحب كني مالك(ن)بحره وبره=البحر كني ملكته بأجمل أنواعه ودره
هاك علمي ياوصل والحال من ضمن الشواهد=عطني حل السالفه وأرجوك قلي لاتشره
القصيدة الرابعة :
الحياة احيان حلوة واكثر الاحيان مرة = تضحك الرجال مرة ثم تبكيه الف مرة
كيف عاد اللي زمانة ما صفى له يوم واحد = ما تهنى في حياته كلها مرة بمرة
ان تَفكَّرْ في حبيبه ضاق صدره من صدوده = واحترق قلبه على اللّي حطها فالعين قُرّه
كل ماحاول يقرِّب تبعده تسعين خطوه = تجذبه بالحب وِاهْيَهْ ناويه تسقيه شرَّه
وان تَفَكَّرْ فالقرايب كل واحد عنه غايب = وان قرب منهم تراهم جهزوا له ما يضره
والصديق اللي من اول يحسبنه ما يحوّل = بعد ما كان الصديق اللي يظنه ما يُغرّه
بعد ما ياخذ علومه قال له ربي يعينك = يالصديق اللي ترانا ما لنا قدره نُمرَّه
وان تفكر في جيوبه خاليه من كل عملة = لا ريالاتٍ تعينه وما معه دفتر يُفرَّه
وراس ماله بيت شعرٍ يكتبه سبعين مرة = يمكن اشعاره تساعد تطفيَ اشواقه وحَرَّه
والحياة اليوم صعبة ما تساعد كل نشمي = كل رجَّالٍ يدورمَدْحته لله درّه
وان تَدَبّرْ في مصيره بعد هذا العمر يذبل = والغصن بعد اخضراره سار يابس من يجره
وبعد ما يكبر ويصبح داخل الوقت الاضافي = اختلف عقله وجسمه وانكشف جهره وسره
وفا لنهاية كل مؤمن ملتزم بالله ربه = ما يفكر في حلاها والشقا والا المسرّة
القصيدة الخامسة :
الحياة أحيان حلوة واكثر الأحيان مـُرّة=تــِـضحك الرّجّال مـَرّة ثم تِبكيه ألف مـَرّة
كيف عاد اللي زمانه ما صفى له يوم واحد= ماتهــنّــى في حياته .. كلّــها مــُرّة بــ مـُرّة
حظه الأقشر غزابة وإمتهن نبش المصايب= وإن بغيته يفرحك ما شفت منه الآ المضرة
لو بغيته يعتدل لوكان برهه من زمانه = قال هذي قسمتك مالك على حظك تشره
المقادير اكتبت في اللوح من قبل الخليقه= ومن رضى باللي كتبه الله يلقى ما يسره
سادس أركان العقيدة لا رضيت بما كتبلك = وكل شيء يعلمه رب السما بحره وبره
قلت أنا يا أخوك جاهل وأتحرى منك فزعه= مير عان وسادتك نوخ عليها فالمجرة
كود تاطاك الليالي واستريح من المهازل = وأن بغيت اتروح عني خذ زماني معك جره
آه من سود الليالي ليتها تصبح ثواني = يمكن ألقى بعدها حظي يعز اللي يمره
قالها مشعاب..... وقتك لو صفالك لا تسحبه= غير ناكس ما هقيته عبقريتك فيه ذرة
القصيدة الســادسة
الحياة احيان حلوة واكثر الاحيان مره = تضحك الرجال مره ثم تبكيه الف مره
كيف عاد اللي زمانه ماصفى له يوم واحد = ماتهنى في حياته كلها مره بمره
عاش يرجي لحظة فيها ابتسامات وسعاده = والسنين العوج معروفه ومجناها مضره
الحياة دروب واوضاع بها الانسان ضايع = حظ شخص عاش كل اوقات عمره في مسره
في مواضيع الحياة افراح واحزان ومصايب = درب واضح للسعادة نسلكه والنفس حره
والضلال كهوف ظلما من دخلها صار تايه = من ترك درب الضلال يقال لله دره
قلتها لاخير في وقت يجيب ام العجايب =يفصل الله للخلايق بي خير امره وشره
عزتي لمن هو تغير في زمان الذل حاله = عاف فعل الخير يخلف له في امره
من كتاب الله عرفنا ثم جتنا من نبيه = تنتهي كل الحياة وتنمسح منها اي جره
ختمها يارجال صلوا على الهادي محمد = يميز العاقل بين بحر الوقت وبين بره
القصيدة الســابعة
الحياه احيان حلوه واكثر الاحيان مره=تضحك الرجال مره ثم تبكيه الف مره
كيف عاد اللي زمانه ماصفى له يوم واحد=ماتهنا في حياته كلها مره بمره
شاربٍ كاس العنا والغربله من كف وقته= قد مضاله مع زمان البهذله كره وفره
شاف بعيونه غرابيل الليالي ثم تاكد= ان مامر اكثر العربان صيوره يمره
ثم نضر للوقت يااهل العرف نظرة رجل عاقل= مستحيل انه يزل الدرب والدنيا تغره
حاول انه ينظم ابيات القصيده فالنصيحه=دام ابه ناسٍ بدرب الغي دايم مستمره
قصده ايخاطب بشعره كل واحد لين يفهم= وساعده هاجوس شعره فالنصح لله دره
الله الله بالصلاه وبالصيام وبالعباده= طاعت الله واجبه وابليس يسعى بالمضره
والتمسك بالعقيده هو عمود الدين كله= واجب ان الششخص يؤمن بالقدر خيره وشره
والدينك حاول انك تكسب ارضاهم بعطفك= تحت رجل امك جنان ووالدك لازم تبره
نتمنى للجميع التوفيق .
« آخـــر الـــمـــشـــاركــــات »
25-Feb-2005, 11:48 PM
التصويت على أجمل قصيدة في مسابقة الهيلا
العرض المتطور
