اكتب شطر واللي بعدك يكمل البيت

[ولد ذايب]

السلام عليكم ورحمة الله وبركاته
هذا الموضوع كنوع من التسلية ولا اعلم اذا كنت مسبوق ولا لا

على العموم الفكره هي ان كل واحد يضع له شطر من بيت والثاني يكمل على نفس القافية والوزن حتى تتكون لدينا قصيده قاطين فيها كلنا

انا راح ابدا

ياسلام الله عدد مالاح برق في السما

اللي بعدي يتفضل ويكمل البيت من عنده

[وصل العطياني؟؟؟]

فكرة حلوة اخوي ...

بس كمّــل البيت ..

لأن الشطر الواحد ما يعطي الشاعر فرصة ...

فأنت كمل البيت وابشر بمن يواصل معك ...

وياليت تغيّر حتى هذا الشطر ,

وتبدأ قصيدة في الهيلا نمدح قبيلة عتيبة ونذكر أمجادهم ...

وتصبح القصيدة بإسم " الهيلا "

وش رأيك؟

التوقيع

na111na@hotmail.com

[ولد ذايب]

فكرة اروع يا وصل العطياني (حاط تصفح مخفي هههه)
استلموا يا الربع
اللي بعدي عطنا شطر من البيت واتركه للي بعدك
ولاااهنتوا

حنا عتيبة مصدر الطيب منا = تعرف جميع القوم منهم عتيبه

[وصل العطياني؟؟؟]

طيــّب كمّل معك :

أهل الفعول إن كان قلنــّا فعلنّا = إنــّا سوات الموت سلطـــة وهيـــبة

تحياااااااااااتي

[نياف العتيبي]

اخوي ولدذايب

حيااااك وحيا علومك وافكارك

ودي ان اي واحد يضيف بيت تكون الابيات مع بعضها
حتى يتسنى للي بيكمل ابيات متابعة السابقه جميعها
الان الابيات قليله وسهل تتابعها بس اذا اصبحت المشاركات
والردود اكثر من صفحه كانت زيارة الصفحات مزعج شوي
فالافضل من البدايه اي واحد يضيف بيت ينسخ الابيات السابقه
ثم يضيف بيته لها

وودي ان ابومشهور يعطيها من وقته شويه ويتابعها دام نسبتوها للقبيله
لتخرج بافضل صوره وليس مشاركه عاديه والسلام
وودي ان يكون المجال مفتوح اي اذا راي اي عضو ان لديه بيت يحمل معنى جميل
ولكن لايتناسب مع البيت الاخير ويتناسب مع بيت سابق ان يضعه في المكان المناسب
ليستقيم نهج القصيده وصورتها
لان كل شاعرله نهج وصوره تختلف عن الاخر
واعتذر عن الاطاله
واتقبل منكم اي توجيه لاننا مكملين لبعض في منتدانا
اخووووكم
النااااااااايف

حنا عتيبة مصدر الطيب منا= تعرف جميع القوم منهم عتيبه
أهل الفعول إن كان قلنّا فعلنّا=إنّا سوات الموت سلطة وهيبة
نبطش بحد المرهفات المسنّا=ونغير فوق المكرمات الأديبه

[اشهب اللال]

مشاركه متواضعه لابأس من حذفها ان لم تكن في المستوى او التسلسل

حنا عتيبة مصدر الطيب منا= تعرف جميع القوم منهم عتيبه
أهل الفعول إن كان قلنّا فعلنّا=إنّا سوات الموت سلطة وهيبة
نبطش بحد المرهفات المسنّا=ونغير فوق المكرمات الأديبه
وندق زير الحرب والجموع اقبلنا=عدونا نسقيه مر الغليبه

[مهنا الدلبحي]

حنا عتيبة مصدر الطيـب منـا=تعرف جميع القوم منهم عتيبـه
أهل الفعول إن كان قلنّـا فعلنّـا=إنّا سوات الموت سلطة وهيبـة
نبطش بحد المرهفـات المسنّـا=ونغير فوق المكرمـات الأديبـه
وندق زير الحرب والجموع اقبلنا=عدونـا نسقيـه مـر الغليـبـه
حنا عتيبه أنشدوا القوم عنا=الورع منا معروفه مطاربيبه

التحيه للجميع وهذي مشاركتي المتواضعه وامنى القبول والاستحسان
منكم ـــــــ مهنا الدلبحي

[نايف الهمه]

حنا عتيبة مصدر الطيـب منـا تعرف جميع القوم منهم عتيبـه
أهل الفعول إن كان قلنّـا فعلنّـا إنّا سوات الموت سلطة وهيبـة
نبطش بحد المرهفـات المسنّـا ونغير فوق المكرمـات الأديبـه
وندق زير الحرب والجموع اقبلنا عدونـا نسقيـه مـر الغليـبـه
ذباحة الحايل سعوط المجنا اهل السيوف المرهفات العطيبه

[نايف الهمه]

الاخ / ولد ذايب شكراً لك على حسن الاختيار والشكر

موصول لكل من شاركوا لاكمال الابيات واستبيحكم عذراً في كتابة بيتين
كبدايه لي في هذا المنتدى الرائع بكل مافيه ومن فيه


حنا عتيبة مصدر الطيـب منـا تعرف جميع القوم منهم عتيبـه
أهل الفعول إن كان قلنّـا فعلنّـا إنّا سوات الموت سلطة وهيبـة
نبطش بحد المرهفـات المسنّـا ونغير فوق المكرمـات الأديبـه
وندق زير الحرب والجموع اقبلنا عدونـا نسقيـه مـر الغليـبـه
ذباحة الحايل سعوط المجنا اهل السيوف المرهفات العطيبه
كم شيخ قوماً فالملاقا زبنا نحميه لو كبرت عليه المصيبه

[مهنا الدلبحي]