قـــــصيدة الشاعر عبد الرحمن الذيابي في الشيباني فنجال - الهيـــــــــــــلا *** منتدى قبيلة عتيبة

إبراهيم الذيابي · 21-Feb-2005, 11:21 PM

الاسم سلطانه والشيخ فنـــجال = للمركز الأول طوالن خطـاها
تفوز بالأول على كــل الأحــــوال =رالوضح بالترتيب صارن وراها
فيها الجمال اللي به الناس تهتــــال=رصورة غريبة صعب تاصف أحلاه
الشيخ مكرمها ومرخص لها المــال=رمن حبها فالقلب يتبع هـــواها
شيخٍ صحيح وصدق فالبشت رجــال=راسم القبيلة رافعن مســــتواها
تفخر به عتيبه على جزل الأعـــمال= اللي سمع فيها واللي لقــــاها
واللي حضر فالحفل من شرحن البال= عتيبه الهيلا تكرر نداهــــا
الشعر في جزلات الأعمال يـنقال= ودك اظهر عن هجوسك غطاها
فنجال الــه فالطيب بالفعل منـزال= بوسط النفود بيوته اللي بناها
كمبن بني وله من الخط محــــوال= والنار تشعم والسوالف بداها
والكــيف يعــمل بالأباريــق ودلال= وبعد العشاء للناس يجهز غـداها
هذي الفعول اللــي تخــلد للأجــيال= من الرجل اللي على الله جـزاها
أبطال بالأفعال وعيــــال الابــطال=أفعالهم من جد محدِ نســـاها
من عصر خو همـلا للــيوم مــازال= والنار تشعم ما يطفا ســـناها
لا قال بن شـيبان النعـــم الـــه فـــال= اللي على الجزلات تمشي خطاها
من هم ولد سلطان يصدق الــيا قــال=الغير الأول ناقته ما ربــــاها
يوم الخميس ومــفترة كنـــها شــــال=في شبكها كلن تفرج عــــــــلاها
فيها مـن الريــمي تواصـيف وجـفال=وفيها من الترفات شـــين كساها
صحف الجزيرة صٌورتهاعلى الحال=بسم العتيبي كل قاري قــــــراها
واليوم ازف الجمل تهاني بالأمــــثال=بأبيات شعري وماحتوت فمعناها