(بيض العذارى طوّحن باللثايم) للشاعر الشاب محمد أبوعبيّه المقاطي

[حكيم الشور]

يا طير يا اللي عن غثا الأرض حايم=من طيب حظك ما عرفت الندامـه
لا واهنيّـك مـا شكيـت الظلايـم=مرتاح بالـك لـو تعشّـا حمامـه
ليتك تشوف اللي عن الضحك صايم=إ لا أنه يجامـل رجـال الشهامـه
يضحك يجامـل لابسيـن العمايـم=وليا اصبـح لحالـه تغيّـر نظامـه
عينـه تزايمهـا العبايـر مـزايـم=وجسمه نحل ما باقـي إلا عظامـه
صغير سن ولا الحقـه لـوم لايـم=يعرف مواكيـره ويعـرف مقامـه
نظرات عينـه فالأمـور العظايـم=و لاّالخفايـف مـا تثيـر اهتمامـه
ما زال عن دنيـا الملـذات شايـم=وأكثر ما يحقر مرخصين الكرامـه
ماهوب للي ينفـق المـال ضايـم=النادر اللـي لـه بالأمجـاد هامـه
ويغتاض من عبّـادة المـال دايـم=ولا ينكر أن المال يعطـي زعامـه
المال شيّـخ لـه ضعـوفٍ هلايـم=أطيبهم اللي مـا يحفـظ احترامـه
تلقاه حاضر فـي جميـع العزايـم=وهو للردى في نون عينـه علامـه
مراجلـه هـذرٍ بـكـل الـولايـم=وفي كف منسوع الجدايل خطامـه
بالفعـل يستـاذي بلفـح السمـايـم=وبالهرج شيّد فالخضيـراء خيامـه
ليتـه معاصـر كاسبيـن الغنـايـم=وقتٍ يبيّـن كـل رجـل ومقامـه
الطيب طيب أهل الفعـول القدايـم=اللي تعلّـوا عـن دروب الملامـه
اليا اقبل الصايـح يسـوق الشتايـم=من التعب يا دوب تفصـح كلامـه
وبيض العـذارى طوّحـن باللثايـم=وشاش العديم اللي براسـه قرامـه
وركب على اللي طوّعتها الشكايـم=ونخـا رجـالٍ فالشدايـد حزامـه
ولحقوا على اللي يقطعنّ الخرايـم=ما منهـم اللـي حاسـبٍ للسلامـه
ويوم أدركوا قـومٍ عصـاةٍ صتايـم=والطرش كنه قطعـةٍ مـن غمامـه
كلٍ جلب روحـه وللـروح سايـم=بيومٍ يضيعون العرب فـي عسامـه
وصالوا بحدبٍ مـا برتهـا الثلايـم=وافتكّوا البل عقب طـول التحامـه
وعقبه صفا جوٍ مـن الغبـن غايـم=وأهل الأشدة ما رضـوا بالمسامـه
واستبشر اللي ما ضـرى بالهزايـم=عودٍ حنت سـود الليالـي عظامـه
وحال البنـي عنهـم أزال اللوايـم=بالغطرفـه والمـدح والابتسـامـه
هذاك يـومٍ يفـرق أهـل العزايـم=عن الضعيف اللي سريع انهزامـه
ما هوب فعـل مروّجيـن النمايـم=أهـل الـدوادي مدّعيـن الفهامـه
وحنـا بوقـتٍ للهلايــم مـلايـم=تسانـده دنيـاً لأهلهـا احتـدامـه
دنياً عليهـا خـاوي الـراس هايـم=هي منتهى علمـه وغايـة مرامـه
لا اسرعت يعطيك المرور القسايـم=ويمكن على راسك تقـوم القيامـه
وغيرك يسـوي كايـدات الجرايـم=ويقابلـه وجـه العـدل بابتسامـه
والفعل ضيّر وأصبح اليـوم رايـم=وشعيل كـلٍ طامـعٍ فـي سنامـه
أقولهـا مـا هبـت والحـظ قايـم=والصمت في بعض المواقف رخامه

[ابن رازن]

الاخ محمد قصيده جزله وموضوعها صحيح وهذا الوقت نفس ماعبرت عنه شكرا لك

وتقبل مروري

[الظامى الولهان]

والله ابيات اكثر من الرائعه

صح السانك

والله يوفقك

[حكيم الشور]

ابن رازن


الضامي الولهان


أسعدني مروركم والله لا يهينكم


وصح لسان شاعرها

[محمد العتيبي]

صح لسااان الشاعر / محمد ابو عبيه المقاطي




ولاهنت على النقل يالغالي




تحيتي
..

التوقيع

للتواصل عبر twitter تويتر al_bargawy@

[أبوسنون العطاوي]

صح لسان المقاطي ابوعبيه محمد ولاهنت على النقل الرائع ياحكيم

[حكيم الشور]

محمد العتيبي

أبو سنون العطاوي


شرفتوني بمروركم المميز


بيض الله وجيهكم