كل من صلى يبى يطلب من الله قبول=جنة الله منت حارس على بيبانها

[سفير المرجله]

بسم الله الرحمن الرحيم



السلام عليكم ورحمة الله وبركاته



الشاعر الكبير سعيد بن رحمه المري والشاعر القادم للساحه بقوه الشاعر عبدالمجيد الجهني في طاروق رااااائع

عبدالمجيد الجهني
في محل شيوخ شجعان ورجالٍ قروم=مرحبا ترحيبةٍ راجـحٍ ميزانها
السفير اللي من المره لدار الرسول=لابدى جته الرسايل على عنوانها
سعيدبن رحمه:
البقاء باصحابنا اللي لها فعلٍ وقول=عد ماهلت مزون المطر ودانها
ودنا بالهرجه اللي تميزها العقول=مانريد الهرجه اللي بلا برهانها
عبدالمجيدالجهني:
ابن رحمه في رجالٍ تخالف للاصول=ويش رايه والعرب تسمعه باذانها
شرفوك القوم واعطوك مافوق الذلول=مير ضيعت الرعيه على رعيانها
سعيد بن رحمه:
ودي اهرج واتكلم ولا ادري ويش اقول=احشم افراد القبيله لاجل شيخانها
ودنا ننشدك يارجل من باب الفضول=هل تعد المعركه لا اختفوا فرسانها
عبدالمجيدالجهني:
لاتصاعب سهل والصعب تلقاله حلول=لا متى تستر على الحيه وديبانها
كل من صلى يبى يطلب من الله قبول=جنة الله منت حارس على بيبانها
سعيد بن رحمه:
ياجهينه مايشيل الحمول الا الزمول=وش علي بالحيه اللي تمد لسانها
ابك حنا نضرب المعركه عرضٍ وطول=مانهاب النار لو يرتفع دخانها
عبدالمجيد الجهني:
الجمال انواع ما كلها قد الحمول=والحقايق تتضح لا انفتح ميدانها
وانت تعرفنا جهينه ليا قلنا نطول=نملك من المرجله خيلها وعنانها
سعيد بن رحمه:
................. جدا جهول=المصيبه فالمنايح وفي حيرانها
الجماعه زعلوني وانا ماني زعول=قدمولي سلعةٍماعرفت اثمانها
عبدالمجيد الجهني:
وقتنا يا ولد رحمه طلوعٍ في نزول=الذبيحه مافرق راسها وكرعانها
غيمت من فوق راسك وزادت بالهطول=مابنيت البنيه الا على سيسانها
سعيد بن رحمه:
الغشيم اللي بنى البيت قدام السيول=لين شالته الليالي على ذرعانها
ياصحيبي كان يدفعك للقلطه ميول= انشد الشعار عن طرقها والحانها
عبدالمجيد الجهني:
المعاني يا ابن رحمه لها باب وقفول=والعرب ما كلها طايلات ايمانها