السلام عليكم ورحمة الله وبركاته........ معجب

[ابراهيم الجـــــذع]

السلام عليكم ورحمة الله وبركاته





المحاوه للأسماء الصريحه واللي يعرفون المعاني

الليله الملعبه فيها وما فيها كلامٍ كثير=لكن يا اللي تديرون السوالف لا تجون الحما
حنا رجال المواقف والمعارك فالنهار الكبير=مير ابلشتنا عجوزٍ بذت العالم بكثر النما

[عبدالله الفهد الاسعدي]

ياسلام صح لسانك استاذ ابراهيم

و صح لسان قبيلك مقدماً

[ابراهيم الجـــــذع]

هلا وغلا أخوي عبدالله

صح بدنك يا الغالي

اشكرك على الإطراء والمتابعه

[معجب العتيبي]

الليله الملعبه فيها حسب علمي كلامٍ خطير=فيها كلامٍ يصك لسان راع الهرج بأعلا الجما
انتم وحنا . وسج الرجل يابراهيم حان المسير=لاتعتذر بالنما والا العجوز اللي لحقها العما

التوقيع

[ابراهيم الجـــــذع]

السالفه يا العتيبي كلها شيءٍ بوسط الضمير=لكن ما قول أنا يا كود دار الرمي يأهل اضرما
بعض الدعاوي على الرجال يا رجال علمٍ عسير=ابعد من اللي على وجه الثرا للي بدا فالسما

[حسن إبراهيم الدجيماء]

ابراهيم الجذع
,,
كل يوم أزيد اعجاب فيما تسخّره من ابيات
,,
صح لسانك وبيض الله وجهك

..........

دكتورنا معجب
,,
لازلت مدرسة نتعلم منها لنبدع
,,
صح لسانك وابيض وجه
,,

.........

متابع للمتعه والفائدة
,,
إحترامي !!

[معجب العتيبي]

سحابةٍ واقبلت من كبرها وسط السما تستدير=والظاهر ان السحابه لانشت فالصيف زاد الضما
اللي عطاه الله العقل السوي ماهوب مثل الغرير=والفرق بيّن مابين اللي يهاب القوم واللي رما

[معجب العتيبي]

الاسعدي صح بدنك


شاكر مرورك

[ابراهيم الجـــــذع]

هلا وغلا أخوي الدجيماء

صح بدنك و وجهك أبيض يا الغالي

اعجابك وسام شرف على صدري

اشكرك على الإطراء

ومتابعتك شرف لنا يا الغالي

[معجب العتيبي]

الدجيما



نورت المنتدىوالصفحات





شكرا للاطراء


وصح بدنك