خمس القبايل ياولّد مضيم مبّناها علي ساس| فلاح القحطاني

[خلف المطيري]

يامرحبا يافلاح وكلمة الطرقي لها راس = لكنّك انته تكابر ماتبا قول الحقيقه
خمس القبايل ياولّد مضيم مبّناها علي ساس= واللي حكم مايغر الحق | ويّميّز طريقه

[فلاح القحطاني]

دام البقا يا عميل جيت يم الدار عساس =والظاهر انك تبيها تالع الليلة حريقة
الشاهد الله ما ندري بانك موكل عن الناس = ما اصدقك لين تظهر يا ابيض الشارب وثيقة

[اصمعي عتيبه]

صح السنتكم طاروق جدا جميل وانا متابع لكم

واصلو ابداعكم

كفو ياشعار

بيض الله وجيهكم

[خلف المطيري]

طيب طيب

دقايق

[فلاح القحطاني]

صح بدنك يا أصمعي


ولا هنت على المتابعه

[خلف المطيري]

ارحب يافلاح

انا ذكرت الحقيقه وان حصل مكروه لاباس = اصبر علي النار محّسب للثواني والدقيقه
تبا تشوف الوثيقه لاكبسنا فوقك الداس = اثر البنادم مايقنع لين يابس كل ريقه

[خلف المطيري]

المشاركة الأصلية كتبت بواسطة اصمعي عتيبه

صح السنتكم طاروق جدا جميل وانا متابع لكم

واصلو ابداعكم

كفو ياشعار

بيض الله وجيهكم

صح بدنك وماعليك زود

ومتابعتك مكسب ونوماس


لاهنت يالاصمعي

[فلاح القحطاني]

من بعد ما شفت زولي صايبك ضيقة وهوجاس = االله يفرج عنك ما حل بك هم وضيقة
لا شفت لك واحد في غبة الامواج غطاس = نصيحتي لا توقف يا غليم في طريقه

آخر تعديل فلاح القحطاني يوم 06-Aug-2010 في 07:02 PM.

[خلف المطيري]

الله الله

لاتقطع الشوط واصل كان ودك تاخذ الكاس =اللفلفه ماتجيب الكاس وتّعيش ابريقه
وقفتك قدمي تراها تعتبر مكسب ونوماس = تعلم امن الجبل وتّشيل حملن ماتطيقه

آخر تعديل خلف المطيري يوم 06-Aug-2010 في 07:18 PM.

[خلف المطيري]

صح السانك يافلاح

ومشكور علي تلبية الدعوه

لاهنت يالقرم

وتصبح علي خير