ابراهيم الجذع .. أبيك بسالفه ,,

[شاعر ومطنوخ]

السلام عليكم ورحمة الله وبركاته


أتشرف باللعب معك يابراهيم الجذع والهدف الاستفادة منك

الليله الليله رسلت السلامي !!

والرد قالوا واجب(ن) والتزامي !!

وشعيل كانه في هدر !! لا كلامي !!

قال المثل هذا بلا بوك ياعقاب .. .. .. !!

يالا لا له يا لا لال .. .. .. .. كيف حالك يالبيب = يالا لا له يا لا لال .. .. .. .. ياعسا حالك تمام
يالا لا له يا لا لال .. .. .. .. السواري بالجليب = يالا لا له يا لا لال .. .. .. .. ياصحيبي لاتنام

[ابراهيم الجـــــذع]

وعليكم السلام ورحمة الله وبركاته


الله يشرف مقدارك




الليله الليله برحب وهلي

اعداد ما خيل خيالاً وهلي

هل لي بهذا اللي ذكرته وهلي

قال المثل هذا بلا بوك ياعقاب

يالا لا له يا لا لال .. .. .. .. كل خير وكل طيب=يالا لا له يا لا لال .. .. .. .. فالبلد شرقٍ وشام
يالا لا له يا لا لال .. .. .. .. من سرا منها عطيب=يالا لا له يا لا لال .. .. .. .. سيفنا قص العضام

[شاعر ومطنوخ]

الجذع قام وطش علانا عقاله !!

مايدري أني ماأداني حلاله !!

مايشتري من سوق قاسم وخاله !!


قال المثل هذا بلا بوك ياعقاب

يالا لا له يا لا لال .. .. .. .. العتيبي في قنيب = يالا لا له يا لا لال .. .. .. .. ما وراه الا حطام
يالا لا له يا لا لال .. .. .. .. وين سيفك مايجيب = يالا لا له يا لا لال .. .. .. .. دايم(ن) تحت السنام

[ابراهيم الجـــــذع]

اللي يحوس العلم وا عزتيله

انحط خشمه عند خشم الفتيله

منكم ترا مبغا حلال وحليله

قال المثل هذا بلا بوك ياعقاب

يالا لا له يا لا لال .. .. .. .. جا لكم حظ ونصيب=يالا لا له يا لا لال .. .. .. .. من تحت جنح الظلام
يالا لا له يا لا لال .. .. .. .. فيك شك وفيك ريب=يالا لا له يا لا لال .. .. .. .. وأن سرابه ما يلام

[سراب اللال]

الله الله مبــدع بكل حالاتك يالجذع

الصــف صفـك يآ برآهيم

[ابراهيم الجـــــذع]

هلا وغلا أخوي سراب الال

أنتم هل الأبداع يا الغالي

والصف يزهابك

[فهد علي العازمي]

معكم معكم تسلمووووون

[ولدعساف]

هل لي بهذا اللي ذكرته وهلي

مطب محبوك

هللي بهذا اللي ذكرته وهلي

صحة ألسنتكم وقلوبكم

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[شاعر ومطنوخ]

قالو أمير القوم عنده فتايل !!

والكل يشري منه والكل شايل !!

وكانك عفيف النفس رد الجمايل !!


قال المثل هذا بلا بوك ياعقاب

يالا لا له يا لا لال .. .. .. .. لاتسمون الغريب = يالا لا له يا لا لال .. .. .. .. والضيافه باحترام
يالا لا له يا لا لال .. .. .. .. كل ظاهر وأله غيب = يالا لا له يا لا لال .. .. .. .. ربما صلى وصام

[فايـز العتيبي]

عسى ماتكلفت....!!!




على العموم صح لسانك

ونتظر ابو نايف