الشاعر القريب حياه الله

[خالد عواض الذيابي]

الا يا ربعي العتبان بعد اقفى صبي مطير=علامه ينسحب من منتدانا يوم ناديته
انا الليله هجوسي تصخر بيوت الشعر تصخير=وابيلي شاعرن ترقص على راسه طواغيته

[عبدالله الفهد الاسعدي]

السلام عليكم

استلم بعد قليل

[عبدالله الفهد الاسعدي]

هلا يالمستشار اعداد ما رفرف جناح الطير = يجوز إن الرجل ماسمع صوتك يوم ناجيته
لعل الله يفكك من هجوسك لايجي تفجير = وأنا كافر بطاغوت البشر من حيه وميته

[عز الرفيق]

ياسلالالالام
بدع ورد على مستوى


متابع

[فهد علي العازمي]

ياسلاااااااام عليكم صحت قلوبكم

معكم معكم

[الصبر جميل]

المشاركة الأصلية كتبت بواسطة مستشار الروقه

الا يا ربعي العتبان بعد اقفى صبي مطير=علامه ينسحب من منتدانا يوم ناديته
انا الليله هجوسي تصخر بيوت الشعر تصخير=وابيلي شاعرن ترقص على راسه طواغيته

صحت السنتكم شعار كبار

[خالد عواض الذيابي]

يدوم الك البقا ياصاحبي لو ما حصل تقصير=ولكن المطيري جاه صوتي يوم حييته
اشوفك يالفهد دون المطيري تبدي التبرير=على هونك على هونك ترا ما قفك وخليته

[الصبر جميل]

هذا منصور راد على بيتك الله يعطيك العافيه انت الان الي تارك الموضوع هههههههه

تحياتي

[عبدالله الفهد الاسعدي]

يقولون الجميل اليا تحلى مايبي تصبير = يصبر بالرضى ولا غصيبه كل ماجيته
يهمك لايهمك من يشوش قصده التأثير = عليهم والله كبر كل جني معه عفريته

اخي مستشار الروقه

اعتذر لك واكمل محاورتك مع المطيري

ولعل الايام القادمه تسمح لنا بمحاورة من جديد

وفقك ربي لكل خير

[خالد عواض الذيابي]

حياك الله يا عبدالله

ماقصرت

والجايات اكثر

تحياتي