السلام عليكم ورحمة الله وبركاته ....
من روائع بندر بن سرور - رحمه الله - هذه القصيدة التي تحمل حكم وامثال وقد انشدها الشاعر فلاح المورقي في شريط بندريات الثالث
اترككم مع القصيدة :-
الله من عين طرقها صواديف =عميت ويبسن العروق الصخافي
شفت الوزا لبالعين من عرض ماشيف= شفته وغيري من فطن له وشافي
وقت تغير فيه حتى العواصيف =جافي عواصيف الرياح اختلافي
شره قناطير وخيره مقاطيف =يفطن له اللي يرضع الديدغافي
كم واحد جاله زمانه على الكيف= واغترته نفسه يبا الجود وافي
يطلع مطاليع العيا بالسواليف = بين العذارا عد روحه اسنافي
يفرح بهرج بالقفا ويكره الضيف = قتات والقتات بالنار هافي
يعلق قصيره علقة النار بالليف =عي ولد عي زنوده اضعافي
ان رخصت الحذوه توقي عن الحيف = وان غليت الحذوه مشى اللاش حافي
يرقد ويلحق والدينه تخاليف = دايم ومرقد ميت النار دافي
هومادرى ان الجود يبغى تكاليف = سهر الليالي مقبلات مقافي
يبغى ايدين للعطايا مغاريف =ويبغى ارجول ماتمل الوقافي
والصبر بنحور السنين الشواحيف = اللي قساهن مثل حد الرهافي
مايقدرون الجود سود الاطاريف = امشاركة بيض النساء باللحافي
يقدر عليها اللي حكم نجد بالسيف = واودع مباغيض القبايل اولافي
عبدالعزيز اللي يبث المصاريف = يجدع قناطير الذهب بالفيافي
يمشي على دربه جموع مزاريف = نوٍ تنثر ماه والجو صافي
تشدي لواقيط الزبيدي بعدريف = مما كسا البيدا تفيد الضعافي
والسلام عليكم ورحمة الله وبركاته
« آخـــر الـــمـــشـــاركــــات »
21-Jul-2010, 02:27 AM
الله من عين طرقها صواديف * * * عميت ويبسن العروق الصخافي
العرض المتطور
