بدوي .. وأفتخر ..

[عـاشـق الحقـيـقـة]

بسم الله الرحمن الرحيم




بدوي .. وأفتخر

1-ابدوي(ن) بالبداوه أفتخرْ = للكرم عِنوان واصْل(ن) للعَرَبْ
2- شامخ(ن) بالراس ما يَوْم انْحَدَرْ = وعايش(ن) بالعزّ وان كنت ابْكرَبْ
3- ما قِواني الوقْت بسْلاح الفقر = وما غَواني ابليس بسْلاح الطرَبْ
4- ولا لبست الجنز في ابْلاد الحضر = ولا شربت الكاس مَعْ مَنْ هُوْ شرَبْ(1)
5- من نخاني يبْشِر ابعزّه حَضَر = نخوتي مالِي ولو كلّ(ن) خَرَبْ
6- ومن بغاني بالضرَر قبرَه حَفَر = مِن رداة الفِكْر مِن مُوته قَرَبْ
7- عزّتي في الناس فخْري .. والقدِرْ = ما يدَنّسْ لَو جَلا عِمْرِي اقْتَرَبْ
8- ولا قنَبْ سِرْحان في اقْصُور النظر = وشاعت العتْمات ما نجْم(ن) غَرَبْ(2)
9- والوحُوش اتْهُوشْ ما هِبت الخطر = واثق الخَطْوات ما قلْبِي اكْتَرَبْ
10- اكتسيت الحرّ شمس(ن) كالجمر = والتحفت البرد بعظامي زرَبْ(3)
11- وما شكيت الوقت لو سيفه حَمَر = وما بكيت الجرح لو دَمّي سَرَبْ(4)
12- في صحارَى نجْد شيّدت القصر = ومن السموم القيظ مَلّيت القِرَبْ
13- ومع عجاج الوقت حدّيت البصَر = حتى شفت الصيد .. ما عنّي هَرَبْ
***=***

ـــــــــــــــــــــــــــــــــــــــــــــ

(1)- الكأس : كناية عن الخمر.
(2)- قصور النظر : ضعفه وانحساره كناية عن ظلام الليل.
(3)- أ- اكتسيت : لبست ، ب- زرَب : دخل .
(4)- سرَب : سال .

*نظم :

* عاشق الحقيقة
النشر هنا :
4/8/1431هـ

التوقيع

الآراء كثيرة مُتباينة .. وتبقى الحقيقة واحدة .. تراها العين التى ترَى بالعقل من منظار النقل و الهُدى ، لا العين التي ترَى من منظار الفِسق والهَوى !؟ . . * تسعدني زيارتك ؛ فأهلاً وسهلاً بك : http://aashiqalhaqiqah1.maktoobblog.com/

[ألعتيبي فالح]

صح لسانك ويحق لنا نفتخر

[فهيد الايدا المورقي]

عاشق الحقيقه صح لسانك


قصيده رائعه من روائع فنك المنتثر


تحيتي

التوقيع

حسابي في تويتر faheed_1234

[( _معاذ العتيبي_)]

مشكوور والله يعطيك العافيه

[فهد علي العازمي]

صح لساااااااانك
وحلو التهميشات كني أطالع كتاب النصوص
هههههه

لاهنت يالقرم

[عـاشـق الحقـيـقـة]

المشاركة الأصلية كتبت بواسطة ألعتيبي فالح

صح لسانك ويحق لنا نفتخر

العتيبي فالح ، مرحبًا بك ،،،

وصحّ بدنك ..


ومَن لم يفتخر بأصله ؛ فقد شطب على كرامته بيده .. !؟

وشكرًا لك على طيّب حضورك ..

[عـاشـق الحقـيـقـة]

المشاركة الأصلية كتبت بواسطة بناخي الايداء

عاشق الحقيقه صح لسانك


قصيده رائعه من روائع فنك المنتثر


تحيتي

بناخي الأيداء ، مرحبًا بك ،،،

وصحّ بدنك ..


ولقد ازدادت جمالاً بحضورك الجميل ـ أيها العزيز ـ ..

ويكتمل ويجمل ما أكتب وأسطّر حينما يعطّره حضورك أنت وأمثالك ..

وشكرًا لك على حضورك الراقي ـ أيها الغالي ـ ..

ومودّتي

[عـاشـق الحقـيـقـة]

المشاركة الأصلية كتبت بواسطة ( _معاذ العتيبي_)

مشكوور والله يعطيك العافيه

معاذ العتيبي ، مرحبًا بك ،،،

والله ، يحييك ، ويعافيك ..

وأشكرك على حضورك الطيّب ..

[عـاشـق الحقـيـقـة]

المشاركة الأصلية كتبت بواسطة فهد علي العازمي

صح لساااااااانك
وحلو التهميشات كني أطالع كتاب النصوص
هههههه

لاهنت يالقرم

فهد على العازمي ، مرحبًا بك ،،،

وصحّ بدنك ، واعتلى قدرك ..


( أجل جعلنها ـ يا أبو علي ـ بالتهميشات كتاب نصوص ، وكيف عاد لو كانت القصيدة بالفصحى لتطابقت مع كتب النصوص )
>> أضحك الله سنّك ، وأسعد قلبك ..

وشكرًا لك على حضورك الطيّب ـ أيّها الطيّب ـ ..

ودمت ـ يا النشمي ـ