نده قلبي ضلوعي واحتديت الظيقة وسميت!!

[ابراهيم الزراقي]

السلام عليكم ورحمة الله وبركاته


قصيدة مناجاه جديده نوعاً ما اتمنى ان تنال على رضاكم واستحسانكم

بعد وادعت ثلثين الظلام وطوح التوقيت =على الثلث الاخير ولاحت مع الظلمة حروفي
نده قلبي ضلوعي واحتديت الضيقة وسميت =بإسم من لاحرمني نعمته في سمعي وشوفي
كرهت البعد عنه ومن مزامير الهوى مليت=وحارت في عيوني دمعتي من كثرة احسوفي
اخاف اموت ويقولون مات صغير يابلفيت=مادام الموت ماهمه صغر سني ومعروفي
وش الدنيا ليا جات المنايا فجأة وقفيت=عنها بعد اخذ روحي مليك الموت من جوفي
وش الدنيا ليا صكوا علي المقبرة وأمسيت=مكفن تحت الارض ولاحدن يدري عن ضروفي
وش الدنيا نهار العرض لاشلت الذنوب وجيت=وفروا منّي الاقراب حتى اخوي مايوفي
ترها عبر يامن عشت فيها بين لو وليت=ولادامت لأحد والموت للارواح ملهوفي
الا يالله يألي عن بغاة العفو ماصديت=فتحت الباب للسني وللشيعي وللصوفي
تنادي في ظلام الليل للتوبه وأنا مديت =كفي راجي(ن) عطفك وبك ماضاعت شفوفي
طلبتك تغفر ذنوبي مادامي مذنب ولديت=يمك في غطاليس الدجا خايف من حتوفي
انا عبدك ولو طاوعت نفسي والهوى واخطيت=وإن عبدك وأزور البيت وأسعى فيه واطوفي
صحيح اني مشيت بسكة الشيطان وانحديت=لكني لاذكرتك للندامه ساقني خوفي
ياربي لاتموتني على الزلة ليا زليت =ولاتخلف ظنوني لارفعت لعفوك كفوفي

شعر ابراهيم الزراقي

[الصميدع المقاطي]

يا سلام يا سلام .. ابداع كبير لا يستغرب منك يبو خلف

صح لسانك والى الامام دائما ..

[كعام]

ابراهيم صح لسانك على هذا النص ارائع
تقبل مروري

[ابراهيم الزراقي]

المشاركة الأصلية كتبت بواسطة بدر المقاطي العتيبي

يا سلام يا سلام .. ابداع كبير لا يستغرب منك يبو خلف

صح لسانك والى الامام دائما ..

بدر المقاطي

مرورك اسعدني للغاية

وصح بدنك وياجعلني ما اعدمك

[ابراهيم الزراقي]

المشاركة الأصلية كتبت بواسطة كعام

ابراهيم صح لسانك على هذا النص ارائع
تقبل مروري

كعام

صح بدنم والله لايحرمني وجودك

[الــوآفــي]

ابراهيم


صح لسانك


ابدعت ابدعت ابدعت


تقديري

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[علاي الحافي]

صح لسانك والى الامام دائما


تقديري