سعد حميد الثبيتي

[ابن مانع]

في محلن سجلو له مع الامجاد صوت=يا سلام الله على ربعنا العتبانيه
يا سعد قبل الحياة السعيده لا تفوت=سجل اسمك مع كبار العرب والدانيه

[سـعـد الـعـصـيـمـي]

الله الله
اولاً حياك الله يابن مانع ،
وصح لسانك ولسان بن حميد

[ابن مانع]

سعدالعصيمي
صح بدنك والله يحييك ويبقيك
والله لايهينك على مرورك

[جزل المعاني]

متابعين وفي انتضار الثبيتي

[ابن مانع]

جزل المعاني
لاهنت على متابعتك

[سعد حميد الثبيتي]

في محل العز يالذيب وكبار البخوت= مرحبا ترحيبة ترجح الميزانيه
في حياة العز ملبوسنا غال البشوت= اسمي الاول ولا لي رقم فالثانيه

[سعد حميد الثبيتي]

اشكر الاخوان الذين مرو على المتصفح واشادوا لهم مني كل تقدير

[ابن مانع]

والبقا ياللي على العز عمرك ماتموت=لو هذا اليوم تلقا عمارن فانيه
اسبح بحور الشعر ينطحك قرشن وحوت=ارتأس في يومنا سيدة الأفغانيه

[سعد حميد الثبيتي]

ياابن مانع لاتحسب الشعر مثل البلوت= الشعر معنى ولا هو بتبع الحانيه
والبحر لا هاج يغرق شراع الجيلبوت= وان هدا تستخرج اللول والمرجانيه

[ابن مانع]

الله الله

ياسعد لاتلحق الغصن والعود امحتوت=الله اللي زاح نص الثمار الدانيه
كم عفينا عنك ياللي تموت ولا عفوت=والعرب تلفت لك الروس للمطرانيه