الاجنبي كيف يفتح باب وتجاره

[سلطان المفرجى]

اعزائى كما تعلمون جميعا ان خيرات هذا البلد كثيره غير الوظائف الرسميه واقصد النشاط الحر ولكن هناك ظاهره خطيره وهي استغلال الاجانب لهذه الناحيه والاستفاده منها وخاصه الهنود والبنقلا (والذي بين قوسين اسم احد المحلات المعنيه واعتذر عن ذكره) فاقبلوها كما هي ولكم ودي واحترامي

سوق البلد ياجماعه عقب( )=صكت هنوده عليه مع المقاديري
الكل منهم عليه مصوب الشاره= واهل البلد بينهم دق المساميري
باب الحسد علقوه بكل سناره= وعيونهم بينهم ربشن مطاييري
كيف الفلاني قدر يبنيله عماره= اكيد من زود ربحه حسب تقديري
الاجنبي كيف يفتح باب وتجاره= ويصير هامور من ضمن الهواميري
وانته بكرت الجواز اعطيته اشاره= ويوم جاك هلكان واحواله معاثيري
يقول بابا انا مسكين وشعاره= هذا السعودي بلاده كلها خيري
فتح محلات كنه داخل دياره= وليا تكلمت جاك بدهنت السيري
اكبر مصيبه بلدنا قطفت اثماره= وحنا بلا مصلحه لف ومشاويري
متى على الله كسلنا ننفض غباره= ونفيق من نومنا يا اهل المغاتيري
مدام ربي علينا مسدل ستاره = والحكم في يدين حكام مغاويري
الواجب انا على قمة جبل قاره = ما نرتخي لطمان وللمعاصيري