محاوره خطيره بين راشدالسحيمي وسفر الدغيلبي موال

[نمر الحربي]

السلام عليكم ورحمة الله وبركآته


راشد السحيمي
اشوف الحماس الي بروس الرجال يزيد
وبــعـيـونـهـم مـكـتـوب مـوال بـتـحديد
يقولون جبنالك سفر قلت اجـيب الـعـيد
ولا فيه خوف الامن الله سبحانه
ياسفر بسلوككو موجب وسالب 00 مايـصيـر اسـلـوككو تـلـمـس بـعـضـهـا
في حياتك كم اكلت من المقالب 00 وان خسرت اصحابك ابشر في عوضها

سفر الدغيلبي
انا جاني المندوب في ديرة عتيبه
وقلت العميل الي مهو كفو مالي به
وقـالو معك راشد وقلت اضحيبه
ولا فيه خوف الامن الله سبحانه
الخطوط موصله والسلك صالب 00 حرب بلاسلاك مدري وش غرضها
ماسبحنا في البحر مثل الطحالب 00 حافـضـين بـلادنا والـلـه حفــضـهـا

راشد السحيمي
سـفـر راسـمـلـه خطتن ماتعداها
منول يشوف المشكله ويتحاشاها
وهالحين ياكل تاقة الله وسقياها
ولا فيه خوف الامن الله سبحانه
لا تهـد د ليـن تنـبـتـ لـك مخالب 00 انت يالي كل حاجه تعترضها
ويش جمع دغيلبي يعني دغالب00 عايشه فالما لـكن الما رفضها

سفر الدغيلبي
سفر ياهل التضليل منتم على باله
يسرحكم لحاله يضـويكـم لـحـالـه
ولصد عنكم بالعصى طقو ضلاله
ولا فيه خوف الامن الله سبحانه
المدرس مزعلن عشرين طالب 00 كم فتل صعب الدروس وكم نقضها
السحيمي شلته سحم الثعالب 00 كان صاحي لكن اعدته بمرضها

رآشد السحيمي
انا داري اني لقشر الهرج حديتك
ولقيتك على حيد الطريق وتعديتك
وطقيت ضلك في عصايه وطقيتك
ولا فيه خوف الامن الله سبحانه
ادري ان المعركه مغلوب غالب 00 والعصى هاذي عليك الله فرضها
لاتطالـــب بالتســـاوي لاتطالــب 00 كل مـــن يلمسك بيدي نفــضهــا

سفر الدغيلبي

منول نقول اصحاب والوضع متقارب
وتالي اليالي حول الحمل فوق الغارب
ياطيب الحروب ان صلحوا طبعك الخارب
ولا فيه خوف الامن الله سبحانه
عادة المجنون كفاي المحالب00 لو نحط النار بكفوفه قبضها

[ضاامي وفااا]

بارك الله بك , شكراً أخي الكريم
تقبلوا خالص تحياتي
أخوكم

[بيكهام]

يا حلو الموالات اللي كذا

[منيرالروقي]

راشد شاعر قبيلة داهية _ وسفر شره على روس الدواهي ولاتختلف قوة شاعريته باختلاف المكان والزمان . شكرا يانمر