مجاراة الشاعر عبدالله مقبل العصيمي للشاعر رشيد الزلامي

[احسـ رسام ـاس]

قصيده للشاعرالكبير رشيد الزلامي

يابن بديَع وقفت بـي علـى الشـاط = المـوج عالـي والسباحـه مخيفـه
تعبت ماباقـي مـن الجهـد قيـراط = دفيتها ليـن ابركـت فـي النصيفـه
في رحلـةِ مابيـن تمـوز وشبـاط = عنوانها واضـح بصـدر الصحيفـه
راحت سدى باسباب تفريط وافـراط = واستنزفـت دم القلـوب النظيـفـه
لوكنت من شيد حضـارات الانبـاط = فـوق الجبـال الشامخـات المنيفـه
ولو كنت بالحكمه منافـس لسقـراط = باح الكـلام , وصدرتبـي امعيفـه
طال الزمان وجرح الايـام ماخـاط = ينـزف وعيـا لايـوقـف نزيـفـه
فقدت وقفات السـدارى هـل الغـاط = اهـل المواقـف والنوايـا الشريفـه
الياطرى لي شخص ابوزيد , تنساط = كبـدي ,,وقلبـي مايهـود رجيفـه
وقدام يدخل خاطري يـاس واحبـاط = او يقتحمنـي سيـل وادي حنيـفـه
افزع وناد الهاجري وابـن شلحـاط = ومدغم وابن قضعان وايضا ابن ريفه
ولابد لـك بمحمـد الذيـب تحتـاط = يكفيك عن عنتـر ورمحـه وسيفـه
انا بذلت الجهد فـي كـل الاوسـاط = لكـن دنيـا خاتمتـهـا ضعيـفـه
ماتصفي الا مـع منافـق وخـراط = ومعـوقِ بـاقـي لـجـده خليـفـه
رزقه حرام ولايجـي غيـر نقـاط = وغير النذالـه مالقـى لـه وظيفـه
يجعـل يلقطهـم مـن القـاع لقـاط = ومن الغضب تنـزل عليهـم قذيفـه
تضرب جماجم روسهم ضرب مخباط = ليـن الوليـف يقـوم يلعـن وليفـه

مجاراة الشاعر عبدالله بن مقبل العصيمي

سمعت قافٍ للزلامي على آط = قصيدة تاطا السهل والحتيفه
عملية دارت على سعبه اشواط = وكلن تلوى في خطام العسيفه
غنا وحدد له مواضيع وابناط = ولا شفت لكبار الشواعير شيفه
فقدت لي مطران وحروب وسواط = وباقي عتيبة ما حواهم ارشيفه
ولاني بمكلوفن بتعديل الاغلاط = ولا في المطيه خرجها والسفيفه
حنا لنا في مجلس العرف مقلاط = وانظارنا ما هيب والله قصيفه
نويت اوضح جمله حروف ونقاط = ورمي الهدف يحتاج يمناً ذريفه
ايامنا قامت تخبط تخباط = ودوراتها بعض الليالي عنيفه
رشيد دارتبه سريعات ونشاط = اقفى ربيع العمر واقبل خريفه
شاعر وامير ولابسن تاج وانواط = مقدام ربعه في الامور الكليفه
امسى يدير الفكر والبرق شعاط = امشوقه برق الجنوب برفيفه
شاف الربيع اللي على دار الاسباط = وقالوا له ان الدار دايم مريفه
وفزع وفي مخباه عشرين مغاط = يبا يجيب الفايده في النكيفه
ومن الذهب وده يلمه بملقاط = والاّ يحصل من عشاهم غريفه
وأرض الكنانه شعبها نصفه اقباط = كبار البطون أهل العقول الصخيفه
كذب ونفاق ومدت يدين واهياط = وطقوسهم وسط الكنيسه خفيفه
تنزيل روس ونار فانوس وشياط = واطيبهم اللي ما يعلم حليفه
وليا انتهوا ساحوا مع الارض هباط = كلن يدورله عرب تستضيفه
ولو في بلاد الفرس للجرح خياط = شافت عيون الى عيونه كفيفه
والاّ انت يابو زيد بالطيب منحاط = رجل عفيف ومن رجالٍ عفيفه
شربك من الزيمه وزادك من رهاط = ورزق البحر للي سكن فوق سيفه
وان كان شفت الروس وصلت للاباط = ممات عز ولا حياةٍ كسيفه

[ضاوي العصيمي]

غنا وحـدد لـه مواضيـع وابنـاط
ولا شفت لكبار الشواعيـر شيفـه
فقدت لي مطران وحروب وسـواط
وباقي عتيبة مـا حواهـم ارشيفـه



الله

امسى يدير الفكـر والبـرق شعـاط
امشوقـه بـرق الجنـوب برفيفـه
شاف الربيع اللي على دار الاسبـاط
وقالوا له ان الـدار دايـم مريفـه
وفزع وفي مخباه عشريـن مغـاط
يبـا يجيـب الفايـده فـي النكيفـه
ومـن الذهـب وده يلمـه بملقـاط
والاّ يحصل مـن عشاهـم غريفـه


الله الله


والاّ انت يابو زيد بالطيـب منحـاط
رجل عفيف ومـن رجـالٍ عفيفـه
شربك من الزيمه وزادك من رهـاط
ورزق البحر للي سكن فوق سيفـه
وان كان شفت الروس وصلت للاباط
ممـات عـز ولا حيـاةٍ كسيـفـه



الشاعر المبدع عبدالله العصيمي
وفيت وكفيت قصيدة تدل على عمق شاعرية
ولايستغرب ذلك منك صح السانك لين ترضى

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا

[رمح عفيف]

اشهدددددددددد بالله انك شااااااااااااااااعر يارشيد