رباعيه قويه ,, حبيب والعضيله وابن رحمه ومبارك المري

[المثالي]

	حبيب العازمي ياسلام الله على ديرة اصحاب الثقه والعيون الجاريه والنخيل الباسقه الحساء واثر الحساء منطقه في منطقه والله اللي يعلم البينه والخافيه النطقه منطقة خير......والحر والبرد فيها زيد العضيله يا حبيب قول يالله فالعمر الطويل منطقة خير وكرامه لدوار الحصيل ليتنا والله نملك بها زرع ونخيل .............. اذهيبكم يا مداوير ... يا فرصة ٍ نمتنيها سعيد بن رحمه كل سكان الحساء رحبوا بك يالحبيب لاتغارب ماحصل فالزمن شي ٍ غريب واالحقيقه ما يعرف العلاج الا الطبيب ............... القوم قدمك طوابير .......واهل البلد تحتميها مبارك المري مرحبا حياكم الله على الدرب السوي والضيوف مكرمه والخوي جنب الخوي وان تماديتوا ترا السيف سيف بن جلوي ..................... مره وعتبان ومطير.... يالله يارب تهديها حبيب يا قطار الترك وقف على حيد الرصيف لين يحجز موقفك فالحساء والا القطيف والحموله جاهزه بالثقيل وبالخفيف ............... بعير ماسوم ببعير ..... والمشكله في حديها زيد البقاء ياللي ترحب لعلك ماتهون ما نقول اقصور فيكم وللجزله زبون جو لك الهيلا مع مطير حمران العيون ............ حان الوعد طير ياطير ....الناس مدت يديها بن رحمه يا قطار الفرس وقف على باب الشريف وان حصلك درب ميل على ديرة عفيف ابك حنا ما نحب المنافق والضعيف .......... ما حن نعدالمخاسير ....... الفبركه ما نبيها مبارك المري انت يا زيد بن سلمي غشيش ٍ من غشيش والله انك ماتجيها لو انك فيك ريش قل لبن جهجاه ميله على الشيخ الدويش ................ ضاقت صدور المناعير ....قامت تصفق يديها حبيب من ثمان سنسن وانته على نفسك تدور لين طلعت الجنايز وفرغت القبور ما تحصل صيد يا سعيد من برق الطيور ............. فالبحر خمسة بوابير .... يا سعيد ما تشتريها زيد تشربون السم يا اصحابنا شرب اللبن يا مهندس خطط الارض تخطيط المدن ثم وزعها اللي يدور له سكن ............. عجه وحما خنازير.....انحاش لاتحتريها بن رحمه لك ثمان سنين وانته مسوي بلبله عامل ٍ لك مشكله من وراها مشكله من يشوفك يحسب انك تصنع قنبله ............. ابى ادهن السير ويسير .....وحدودنا لا تجيها مبارك انت يا زيد بن سلمي من العصر مغشوش مرة ٍ تنتاش حاجه ومره ما تنوش صرت مثل الحيه اللي لها ناب ٍ هروش .................... ضاقت عليك المعابير ......لك عثرة ٍ تحتريها حبيب لا تلمس فالثرا والسلوك مشبكه خفف من الجلجه خفف من الدربكه ودنا فيك بركه مير ما فيك بركه ............ لن جيت حارس زمهرير .......عطه يدك يشتويها زيد يا مبارك لاتلوى على غصون الشجر العلوم الباقيه كلبوها ادها وامر صفط المشلح وطووه وعجل بالسفر ,,,,,,,,,,,,, يا مدورين المعاذير .......من قالها يحتميها بن رحمه وش تبي في كهرب الارض يومك تلمسه انت موسوس وزادت عليك الوسوسه بن رحمه لا بغيته تجيه لمجلسه ........... والله ما جاك تقصير ....... بنت الهوا جاك ابيها

[الجوراسي]

محاورة قوية

وثنائية حبيب وزيد اعطتها قوة

[الباااسل]

انا ارى ان مبارك المري اقوى من زيد العضيله

[رائد الكيرعاني القحطاني]

رباعيه رااااااائعة



وجميل معنى حبيب وبن رحمه !!




وحقيقة مبارك المرّي لا يقل قوة عن باقي الشّعراء




شاعر قوي وخصمته قوية





تحياتي يالمثالي