شاعر الشيابين سهم الليل اقرب جاي

[ماجد العصيمي]

ان كان سهم الليل في باله علوم=يقلط على الميدان ويمس شنبه
وان كانها راحت ليا فرك الخشوم=كلن حزامه يابن مشيب يكربه

[سهم الليل]

يا شبل انا خابر رجال بسلوم = تنكب صحيبك وانت ما شفت ذنبه
العام انا خابرك منته برقوم = واليوم رقمك في يدينك تضبه

[ماجد العصيمي]

ابيوت سهم الليل مافيها سلوم=وانا احسبنه كل طرقن يلعبه
باقي علاك تمر ركبه والجموم=حتى حسابك يابن مشيب نحسبه

[سهم الليل]

يا شبل انا خابرك مانته بالظلوم =لكن هرج الرجل بكره ينكبه
ان كان الك يمنىٍ تضد ابها الخصوم=رح لبن هادي والدويشي واضربه

[ماجد العصيمي]

انا على الظالم كما علط السهوم=مضرابها لن ماغدتبه تتربه
ان كان مانت بجاهلن ولامحموم=ياللي تنشد ذق يميني تجربه

[سهم الليل]

منت ارخمه تنهج مناهيج الرخوم= افطن لثوبك يالعصيمي تقلبه
اذعل لعلمي لا تنفخ فالكموم=راع الجمل ود الشواوي يقربه

[ماجد العصيمي]

ودي تعدي في طويلات الرجوم=واثرك كما اللي ماتهيا يجلبه
خل النصيحه معك انا مالي لزوم=مادام سكيني يقص الحبحبه

[سهم الليل]

لامن دخلنا السوق فالجزله نسوم=والسيف في جنبي ماولله اجربه
وقتٍ مضا معنا تمشى ومخدوم=واليوم تفتل فالشنب والك اعطبه

[ماجد العصيمي]

بعض البضاعه واجبن عنها نشوم=جلابها معروف راعي شقلبه
وقتن مضا ياطير ماشفتك تحوم=واليوم ماشالله ماشفنالك شبه

[رائد الكيرعاني القحطاني]

اهب اهب يا شبل




صحت السنكم وقلوبكم




وصراااااااحه طارووق ملفت لشبل مرجحين الموازين من غير قصور فيك يا سهم بطريقة تعامله مع الحديث
كما هي طرق الكبار




صحت السنكم مره اخرى




تحياتي