فرعون باسبابه هلك قوم فرعون

[بخيت السعد]

اعضاء منتدى الهيلا
السلام عليكم ورحمة الله

النار تاكل فالحطب والهشيما=من غلطت الجاهل ومن فعل ملعون
لا نامت إعيون الحكيم الحليما=غاب الرقيب ودك ما كان مدفون
المجرم اللي شب في هيروشيما=نارٍٍ توقد كنها نار كانون
نار عواقبها حطام وهديما=من شبها يهدم لو الناس يبنون
واجب على الامه ترد اللئيما =إمغير الواقع على غير قانون
الجاهل اللي كبرته النعيما=ياكثر من مثله يجون ويروحون
في جو صافي وامنه المستديما=يدرون حال وحال ماهم بيدرون
يوم السمايم والاعاصير غيما=والارض شوك فوقه الناس ياطون
صبرن على وجه الزمان المضيما=قدام يرفع رايته راعي الدون
وزمل البدو محفوظة بالوسيما=يامخلف وسوم البعارين مجنون
للنور درب وخط سيرك ظليما=عمي القلوب اللي عن الحق ينحون
بعض المساري عاقبتها وخيما=مسرى خطر مهلك ولاهوب مامون
يا مخطين درب الهُداء المستقيما=فرعون باسبابه هلك قوم فرعون

[أسير القوافي]

عليكم السلام ورحمة الله وبركآًتـه ،،




يـا مخطيـن درب الهُـداء المستقيمـا
فرعـون باسبابـه هلـك قـوم فرعـون



صح لسانـك ،، يابخيت السعد ،،




وأنت بخيت الهيلا ومن حظَها ،،




وفيَت وكفيَت لا عدمناك ،،



وفي إنتظـار بوحك بكل مواضيعه ،،




شكرا لك

[بخيت السعد]

اسير القوافي لاهنت على المرور والمتابعه

ومرورك شرفنا وبيض الله وجهك وانا من الهيلا للهيلا ممنون

تقبل تحياتي