في ليلة ظلما وانا كلي جروح ..نقدكم يالهيلآ..

[رائد العصيمي]

السسلام عليكم..


شخباركم؟

احب اقدم لكم قصيده جديده لي يارب تعجبكم..

عنوانها(كلي جروح)

يقول:
في ليلة ظلما وانا كلي جروح
من الزمان الي كساني شباريه
اجر صوتي جرة الذيب وانوح
وارجي وصال اللي ذبحني تغليه
ماكنه الا يدق مسمار في لوح
وكثرة مسامير الجفاء بقلب مغليه
وين انت ياللي شوفتك تنعش الروح
تسقي عروقٌ عاطشة في سما التيه
قلي علامك ليه في وصلك تشوح
وقلي علامك ليه حبي ماتبغيه
وقلي علامك ليه لاجيتك تروح
وقلي علامك ليه ثم ليه ثم ليه
جبرتني يامن لك القلب بالبوح
وخليتني ارجي وصالك ولا ارجيه
صحيح مالك من ورآ الصد مصلوح
الا وصال الي لك ايام شاريه
لاتقول وش دراك؟ ذا الامر مفضوح
وانا تعبت من العتب والمشاريه
تدري من الي بعد ماغبت مذبوح؟؟
ذبحت قلبي..من نساني ابنسيه
ارتحت! شفهم في فضا ساحة الدوح
عذالي اللي همها القلب وراعيه
خلاص روّح منك الكبد بتفوح
بعطيك قلبي والا حبك ابمحيه
كنت احسبك من ينعش القلب والروح
ذبحت قلبي وصاحت الروح مابيه

وسلامتكم

انتظر ارائكم ونقدكم وتقييمكم

[عبدالله بن طلال]

صح لسانك ولاهنت


قصيده طيبه ومن طيّب وفيها من المشاعر والصور ما يجعلها شامخه بشموخ قائلها


تحياتي لك

[زيادي سنافي]

قمة في الروعة يعطيك العافية وصح لسانك

[عبدالله الفهد الاسعدي]

ماكنه الا يدق مسمار في لوح
وكثرة مسامير الجفاء بقلب مغليه
وين انت ياللي شوفتك تنعش الروح
تسقي عروقٌ عاطشة في سما التيه


صح لسانك يالقرم

ابيات جميله ، وننتظر القادم

[رائد العصيمي]

صح ابدانكم يالغوالي

لاهنتم جمييع

[العزام]

قمة في الروعة يعطيك العافية وصح لسانك

[رائد العصيمي]

شاكر لك حضورك يالغالي