وين كبار الشعااااااااار ..

[طيف المها]

السلام عليكم
=====
أبدأ بالسلام وترحيب(ن) يطرب الحاني
وأنثر لكم خافي القوافي المديده

أبي الحل يوفيني ويلحف أجفاني
من شاعر البيدا راعي القصيده

الحرف له شامه على خد الازماني
ماتثني عزومه نظم القوافي العنيده

من يمينه بياض الخط يبيد الالواني
أنتصيه وابي الجواب بجمله مفيده

=====

( اللغــــز )

ياخال وين اللي يحل الغطاوي 00000 أبي أساله عن قصة أخوان تومان

واحد على مضرة الناس ناوي 00000 شرير ما عمره نوى الخير لانسان

يجرح وأخوه الله يعينه يداوي 00000 ومتشاركين بالاسامي والالوان

=====

[الــوآفــي]

هذي والله العالم

انوار السياره (العالي والواطي )


الظاهر ان رمعتي مدحدره ههههههههههههههههه

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[مخاوي الذيب]

وعليكم السلام يــ(طيف المها ) وهاك المحاولة بحلة شعرا

والله يستر

ياطيف جالك للذيابه مــــخـــــاوي ..... من بعد ماثارت نياشين ذيبان

وان كان صاده كفو( يابو مضاوي) ..... ولاّ تراه ام الجناحين ذبّـــــان

والحلّ لو يعرض على اهل الفتاوي ..... قالوا محمد بينه خير تبيـــــان

وش رايك (( بجناجي الذبابه )) واحد داء والثاني دوا كما جاء في الحديث النبوي الشريف

مخاوي الذيب

[الــوآفــي]

انا خابر انها والله تبا تثور


وعزالله انك جبتها يا مخاوي الذيب

[طيف المها]

الاخ ذيبان

شكراً لك .. أن شرفتني
وسعدت كثيراً .. أن تشاركني
أكرر الشكر
______
تحياتي .. طيف المها

[طيف المها]

الاخ مخاوي الذيب

أنت فوق الذهول .. وكم أغبطك على هذه المقدره المذهله

ياسامعين الصوت وناثرين الحكاوي = ابوصف شاعر(ن) يحير الفهمان
يثني القاف وكسرها يداوي = ويفك طلاسم حرفها الحيران
أنا اشهد إن الشعر له هاوي = كيف مايهوى قاهر الفرسان
غنو معي إذا أقبل مخاوي = رفيق الذيب مايعرف الخذلان
صدقت وصفقت لك يداوي = وأثبت إنك سيد الميدان

______
تحياتي .. طيف المها

[مخاوي الذيب]

أشكرك ياطيف المها على هذا اللغز الرائع وعلى هذا الاطراء وعلى أبياتك الجميلة

وهذا تراه بعض ماعندك وشكرا مرة اخرى

مخاوي الذيب