ياعزيز العبدلي حان وقت الدورة

[سويلم الشيباني]

مساك الله بالخير ياعزيز

ياسلام الله سلام(ن) يشع بنوره=في حلال(ن) عزاها الله بالعتباني
ياعزيز العبدلي حان وقت الدورة=صرت طالب صف واستادك الشيباني

[ولدعساف]

الله الله ..

صح لسانك يالشيباني ولسان قبيلك ..

,,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[عبد العزيز العبدلي]

مسيت بالنور يالشيباني والمعذره تو اشوف بدعتك

استلم لا هنت

مرحبا عدّ الشواطي و مد ابحوره=بالنيابه عن رجالن سوات إخواني!!
ما نبا يا صاحبي كلمةٍ منشوره=من قوا للموج تقوابه الضلعاني !!

[عبد العزيز العبدلي]

ولد عساف .. صح بدنك ولا هنت على مرورك

[سويلم الشيباني]

صح بدنك ياولد عساف

[سويلم الشيباني]

ماحصل قصور ياعزيز

البقا باللي يزين الغناء بحضوره=والله انه يحفظ الدين والاماني
خلها يالعبدلي بيننا مستوره=لوخبرها ينتشر حضرتك خسراني

[عبد العزيز العبدلي]

ما نبا كود الشداد او مناصب كوره=لو تعيدون النظر كل شي ايباني!!
لو تخيل اخيال ما يدهلك ممطوره=بارقٍ يبرق ورعّاد ماله ثاني !!

[عبد العزيز العبدلي]

الشيباني

يعلم الله اني محرج منك احراج شديد
وضيق الوقت ما يسمح اني اكمل الطاروق

وصح السانك وسلم بنانك يا شيباني

واعذرني مجدداً

تحياتي ..

[سويلم الشيباني]

قيل فالامثال كل(ن) على ميسوره=لوشريم برطمه ينفخ الضياني
يوم شفت الذيب حول وجاء من قوره=ليش غاب العبدلي يوم حسه باني

[سويلم الشيباني]

صح بدنك يالعبدلي وبيوتي الاخيرة كانت قبل لقراء ردك ولا كان ختمتها ببيوتك الاخيرة وجعلك ماتشوف شر