ياذخر من صكت عليه النوايب

[فرحان النومسى]

السلام عليكم ورحمة الله وبركاته
قصيده مهداه الى صاحب السمو الملكي
الامير سلطان بن عبد العزيز ولي العهد ونايب رئس مجلس الوزراء
ووزير الدفاع والطيران والمفتش العام عندما كان برحله علاج للخارج

يالشعر دامك للهواجيس مرسال=قل للامير اللي عن الدار غايب
عساه يرجع للوطن سمح الاقبال=للشعب والداره وكل الحبايب
ونايف يزف التهنئه عبر الارسال=يقول ابو خالد من الشر طايب
وسلمان رافق مع سموك ولازل=امير نجد وعز كل القرايب
ناشي على طيب المكارم والافعال=حضرة سموه مايهايب الصعايب
ولالوم صدري لو شكى ضيقة البال=ولالوم عيني لو دموعه سكايب
عليك يافرز الوغى واف الاخصال=ياذخر من صكت عليه النوايب
عليك ياللي للرجاجيل مدهال=كم معدمن معتوق وانت السبايب
عليك ياناثر على شعبك المال=مالك وصيف الا صدوق السحايب
ياامير فيك الجيش يفخر ويختال=والشعب لك ينقاد قود الكتايب
عساك طيب دوم ياطيب الفال=يذري عليك اللي يسوق الهبايب
ياامير وجهك خير وظلالك ظلال=الله يجيبك ياعطيب الضرايب
ترجع لنا شامخ وطيب ومتعال=يابن المليك اللي يفك النشايب
ارسى لنا دوله على مر الاجيال=في فيها ينعم صغيرن وشايب
وتعاقبوا كرسيها روس الابطال=مروين شذرات السيوف العطايب
ملكا لهم حازوه ذربين الافعال=بالسيف ماهو بالحجج والطلايب
ياما استلمها عادل الحمل يامال=حقيبته مع حافظين الحقايب
عبدالله اللي للصعيبات حمال=خادم بيوت الله عريب النسايب
بقيادته دسنا على قشر الاحوال=ويم العلا قمنا نحث النجايب
مادام ابو متعب لنا ظل وظلال=ماينقص الا نشوف سلطان طايب
يشفيه مشف ايوب من عقب الاهوال=يرجع على شعب لشوفه رقايب
يجيبه مجيب المطر عقب الامحال=من نفحته تلقى الفيافي خصايب
معيد يوسف يم يعقوب بالحال=من عقب ماصدره من الحزن ذايب
ونقيم له دحه وعرضه وموال=والنوم في عين المخاليق طايب

الشاعر /فرحان مساعد النومسى

آخر تعديل فرحان النومسى يوم 05-Jun-2010 في 07:57 PM.

[عبدالله الفهد الاسعدي]

صح لسانك يا اخ فرحان

والحمد ةلله على سلامة ابوخالد

ننتظر جديدك

[ولدعساف]

الله الله ..

صح لسانك مدد بلآ عدد ..

ويستاهل أبو خالد الله يطول لنا بعمره ويحفظه ..

لآهنت ..

,,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[فرحان النومسى]

عبدالله الفهد اشكرك على المرور والاشاده







ولك جزيل الاحترام

[فرحان النومسى]

ولد عســـــــــــــــــــــــــــــــــــــــاف






اشكرك وسوف نهديك كل جديد باذن الله