مستور العصيمي وابو مشعاب

[المثالي]

مستور العصيمي

يا مرحبا ترحيبة ٍ سوقها سوق
سوق الغلا ما هوب سوق الخساره
برقا هل الوقفات وحزامها روق
يوم الليال السود غاره وغاره

ابو مشعاب


دام البقاء من شاعرٍ نظرته فوق
برقا وروق اهل الوفاء و الوقاره
ودك تبى تسبق ولاني بمسبوق
وانت تعرفنا هل ذره مع ستاره


مستور


يا جعل ابو مشعاب يسلم من العوق
لكن عود ولا يكب العياره
اعرف سليم ولا اعرف الغدر والبوق
تمسي وتصبح فوق روس الحجاره



ابو مشعاب


ياليت ابو تركي ليا هزه الشوق
يسلم من العثرات والانحداره
انته من الشياب مثلي ولك ذوق
لكن تال الوقت فيك المراره


مستور




عسى سماكم فيه رعاد وبروق
تقفلت عنكم بنوك التجاره
الناس قالوا كل مطرود ملحوق
واظنها كلمه ولاهي عباره


ابو مشعاب


الله يريد بخير يا راعي النوق
كل ٍ تولعها نارها من شراره
انته علاك حقوقو وحقوق وحقوق
يشهد عليك اهل القرا والقراره


مستور


خلك على الاسرار حافظ وصندوق
بالصدق بشرني وهاك البشاره
ما دام ابونا ادم من الطين مخلوق
بني الجداره عكس هد الجداره



ابو مشعاب


انا على الاسرار سويت طاروق
مامنكم اللي عايش ٍ فالحظاره
فالسوق ابو مرزوق لكن مرزوق
ياعود ياللي مشغلتك السفاره


مستور


منطوق ابو مشعاب ما هوب منطوق
انا احسب انه يفتهم بالاشاره
تراك يا رجال فالدرب مرفوق
والكسر ما ظفت عليه الجباره

[منيرالروقي]

مع احترامي الشديد لأسماء هاذين العملاقين وخاصة" ابوتركي إلا انني أرى أن هذه المحاورة أقل من عادية وفاااااااشله

[الباااسل]

لاهنت على النقل

[الجوراسي]

اخالفك الراي يامنير وارى انها محاورة مميزة

[الكاايد]

الله الله

محاورة قمه ولاتخلوا من الحنكه والدهاء

واسماء شعراء بحجم مستور وعوض الله ابو مشعاب تكفي لإلجام افواه المنافقين

زدنا من هذه المحاورات يالمثالي لتبقى مثالي