أنا عاشق ولا أملك لا طيور ولا حجر سجيل

[ابراهيم الزراقي]

السلام عليكم ورحمة الله وبركاته





مدري صباح الخير والا مساء الخير بس الوكاد ان انتم الخير الخير كله





قصيدة جديدة اتمنى ان ترقى ان اذواقكم

قفا يامعشر العشاق لحظة كان فيكم حيل=قفا وقفة ذهول وصمت لين اشرح عناويني
وإذا يكفيكم الموجز بلاشي نذكر التفصيل=ترى ما كل عاشق فالشقا يقدر يجاريني
أنا مالي شبيه وواقعي يفرق عن التأويل=حقيقة والحقيقة لو تزعل ناس ترضيني
أنا ألي طاحت احلامي وماتت في عسام الخيل=أنا ألي عشت متهجول وطالت غربة سنيني
أنا يألي تبون الصدق لا عية ولا أبن خبيل=لكن وقتي حداني والدموع اسراب في عيني
رثع فيني زمان الغربلة واركى طعون النيل=وماتت هقوتي قدمي ولا احدن جاء يعزيني
شربت المر من صغري ورحت مع السراب محيل=ولا ادري من ورى درب الهوى وش حاشت يديني
سمعت إن المحبة من عذوبتها تفوق النيل=ولاحظت الشقا عن لذة الاحساس حاديني
رويت من الجفا والصد والتحطيم والتقليل=وعفت الحب والاحباب عيّت لاتواسني
يلوموني غواة العشق ويقولون طاح شعيل=وأنا ماطحت لكن ماقدرت احصي سكاكيني
وش اسوي مادام ألي عشقته بعد نجم سهيل=عن الارض البسيطة وان زهمته ما ألفت فيني
حبيبي وإن طلبته وصل صد وزادلي فالكيل=يكيل الهجر لي والنار شبت في شراييني
عشقته عشق عنتر بس عنتر ماغدره بخيل=رزقه الله عبلة والفوارق بينه وبيني
أنا ماني مثل عنتر لو اني صامل وحلحيل=لكن والشاهد الله ما اتخلا عن محبيني
حبيبي ياعرب جافي تركني للسهر والليل=وعناني وأنا ألي ماتوقعته يعنيني
غزا قلبي وذكرني بغزوة إبرهه والفيل=لكن ألي حمى بيته من الكفار يحميني
أنا عاشق ولا املك لاطيور ولاحجر سجيل=وهو طاغي وطغيانه أبت تتصوره عيني
ياقلبي لاتهور ماورى الاحباب غير الويل=ياويلي منك ياقلبن على النيران ترميني
كفاية عشق مادام الهوى مايرحم الريجيل=أنا بأتوب وأنته للمهالك لاتوديني
وكفاية دمع ياعينن بكيتي كل يوم وليل=ترى دمع العرب ماحرر الشعب الفلسطيني

شعر,,,ابراهيم الزراقي