وصل العطياني يرثي نفسه قبل الموت .. !

[رايد الهديبي]

السلام عليكم ورحمة الله وبركاته

قصيده جزله للشاعر الداهيه : وصل العطياني

وهو يرثي نفسه قبل الموت

/

/

/

/

/

/


..

البارحـة جالـس وأديـر التفاكيـر=مانيب داري وش بقي مـن حياتـي
ما اقول غير الله يصـون المقاديـر=وليـا دعيتـه يستجيـب دعواتـي
الأولــة يالله بحـسـن التدابـيـر=تزيـل سياتـي وزيـد حسنـاتـي
والثانيـة يالله عسـا خاتمـة خيـر=جعل أحسن أعمالـي بحـزة وفاتـي
الروح تنزع مثل دلـوٍ مـن البيـر=يبقى الجسد يحمل ملامـح صفاتـي
ثم إحملوني فـوق ذيـك السحاحيـر=من عقب ما صلّوا علـيّ الصلاتـي
ثم أودعوني بيـن ذيـك الحياطيـر=قدمي حصاة ومن خلافـي حصاتـي
وأقفوا وعمّ العلـم بيـن المساييـر=قالوا : دريتوا عن وصل؟ قيل : ماتي
وبكـوا علـيّ الطيبيـن المناعيـر=وكـل أبلـجٍ ذاتـه معلّـق بـذاتـي
أحدٍ عليّه يضـرب الأرض ويطيـر=وأحدٍ ذبـح نفسـه بكثـر الشماتـي
وعلى الخدود الدمع يصبح شخاتيـر=ياعيـن وديهـا وياعيـن هـاتـي
وحطّو عزاي وجات الأمـة طوابيـر=وجيههـم بالـحـزن متوشحـاتـي
وأخذوا ثلاث ليـال للحـزن تأثيـر=على الوجيه الطيبـة مـن عزاتـي
وعادوا كما كانوا ضحوك وتباشيـر=إلا إذا مـرت بـعـض ذكريـاتـي
وأنا جلست وحيد في بيـتٍ صغيـر=مدري حسابك كيـف يـارب ياتـي
لـو أتعـذ ّر ماتفـيـد المعـاذيـر=ولـو أتمنـى ماتفـيـد أمنيـاتـي
علـيّ مـن رب السمـاوات تقريـر=مرصود في التقريـر كـل إحركاتـي
لا الواسطة تمشي ولا دهنة السيـر=ولاعـاد فيهـا عـرف ومجاملاتـي
أما إن قبري حفـرةٍ مـن زمهريـر=لين البشـر تبعـث حفـاةٍ عراتـي
وإلا نعيم وخير مـن غيـر تقصيـر=وإن جات هـذي والله إنـه غناتـي
يالله تحت رحمتـك ياراحـم الطيـر=وأسألـك حـزات السـؤال الثباتـي

الله يطول في عمركـ يا ابو مشهور انشاء الله


تحياتي ..

[مطرح البعارين]

الله يرحمك ياوصل العطياني

إذا تحققت قيصدتك


وصح لسانك

وياليت تكون اخذت العظه والعبره

[رايد الهديبي]

لاهنت علي المرور

[محمد العتيبي]

يالله تحسن اعمالنا وخواتيمنا ..

صح لسان ابو مشهور

ولاهنت يارائد
..

التوقيع

للتواصل عبر twitter تويتر al_bargawy@

[محمدالنفيلي الحربي]

كل واحد عارف انه يبي يموت لكن متى الله اعلم

[الوليد الاسعدي]

صح لسانك ... الله الله ياوصل

وإلا نـعـيـم وخـيــر مـــن غـيــر تقـصـيـر
وإن جــــات هــــذي والله إنــــه غـنــاتــي

عسى ملفانا واياك الخير والجنة

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها

[ضيف على عتيبة]

صح لسان الشاعر العملاق \وصل العطياني

والله يحسن خاتمته وخاتمتنا وكل مسلم

ويعطيك العافية اخوي رايد

[ولدعساف]

..

يالله تحسن اعمالنا وخواتيمنا ..

صح لسان ابو مشهور ..

ولاهنت يارائد ..
,,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[فهيد الايدا المورقي]

نسأل الله حسن الختام



وصح لسان شاعرنا وصل العطياني والله يمد في عمره على الطاعه


رايد الهديبي لاهنت على النقل الجميل


تحيتي

التوقيع

حسابي في تويتر faheed_1234