يــــــــــــــــــــــا سعـــــــــــود

[رايدالجعيد]

السلام عليكم و رحمة الله و بركاته

أسعد الله مسائكم و صباحكم بكل خير

أضع لكم هذه القصيدة بعد طول الغياب لظروفي و المعذرة

إليكم القصيدة

يا سعود كثر الذنوب اللي نسويها = سوّت و خلّت بوسط اصدورنا تكه
دنيا تزيد المعاصي و الردى فيها = يوم ٍ ورى يوم و الأحداث منفكه
ما عاد ندري بخافيها و تاليها = من سرّته يوم بضع أيام و تصكه
كثر الخطايا تضيّق صدر راعيها = و تزيد همه مع الأيام و تضكه
خطر ٍ على النفس فالزلات ترديها = و تصير في زمرة الخسران منشكه
و خطر ٍ على العين يابوشوق تعميها = و الجسم خطر ٍ تشل أعضاه و تدكه
أرجي من الله عظيم الشان يمحيها = و يزيل عنا الخطا و الضيق و الشكه
و صلوا على مرشد الأمه و هاديها = عداد ما طافوا الحجاج في مكه