قـــصــيــدة : شـعـرية

[أبونايف الروقي]

الإخوة الكرام أعضاء وزوار منتدى قبيلة عتيبة هذه قصيدة مثلها مثل سابقاتها أرجو التفضل بالإطلاع عليها وشكراً للجميع .

	كل ما دق به هاجوس جر اللحون

أثر طعن الشباري والجنابي يهون =مع طعون العيون الناعسه يافلاح
ياوجودي على زول(ن) تخطى بهون= وجد من ذوقوه المعتدين الذحاح
أو وجود السجين اللي قضى بالسجون =حول عشرين عام وخافقه ما استراح
بين خصم(ن) عنيد(ن) مايلين ويهون = وبين سيف(ن) ليوحف كنه البرق لاح
لهدا خافقه وارها بحلو السكون =ثم ذكر ضربة البتار في العنق صاح
أو وجود الغرير اللي فقد للحنون =ما تت أمه وجدواه البكا والصياح
كل هذا وجودي مبتلا ومغبون =وحلالاه يالاما حسين المزاح
ادعج(ن) كامل الأوصاف عرضه مصون =مهرة شاشة لصوت الفتن والسلاح
عود موز ترعرع بين خضر الغصون =عسوجين تلاعبه هبوب الرياح
ياعواذيل قلبي هونوا وشتبون =ما لكم من وراء نصح المولع صلاح
من هو اللي يعاني حب ذيك الفتون=ومن هو اللي سهر ليله بليا مراح
درة غالية وانا لهاذي زبون =دام يبذل كريم ويبخلون الشحاح
كن هالناس في كون(ن) وانا وسط كون =ما يسير به اللا كود ضبي البراح
الهوى يرث بكبد الهواوي طعون=لين يذهل عن السجات والإنشراح
كل ما دق به هاجوس جر اللحون =يسجع مع الحمام اللي على الغصن ناح

[معلا إبراهيم الأسعدي]

الله
الله الله

صح الساااااااانك تقبل مروري

التوقيع

[أبونايف الروقي]

صح بدنك يالأسعدي
تقبل تحيـــــــــــــــــــــــــاتي

["بندر العصيمي"]

صح لسانك مدد

قصيدة جميله.. وموزونه من شاعر قدير مثلك

تقبل اعجابي بالقصيدة وتقبل مروري

..

[أبونايف الروقي]

	الأخ / بندر العصيمي أشكرك وفخر القصيدة مرورك وشرواك وإطلاعكم عليها . تقبل تحــــــــــــــــــــــــــــياتـــــــــــــــــ ــــــــــــــــــــي

[مرزوق حمدان العتيبي]

..

.

رائعه تستحق الاشاده .... يابو نايف

..
صح لسانكـــ

...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبونايف الروقي]

	الأخ / مرزوق بن حمدان أشكرك على المرور وعلى الإشادة . تقبل تحـــــــــــــــــياتـــــــــــــــــــــــي ؛؛؛؛؛؛؛؛؛؛؛؛؛

[ابومشعل العازمي]

صح لسانكـــــ

[أبونايف الروقي]

الأخ / ابو مشعل العازمي
صح بدنك وبيض الله وجهك . تقبل تحيــــــــــــــــــــــــاتيييييييييي

[خالدالبلوي"الكثير"]

صح لسانك قصيده جميله من شاعر جميل