قصة الخالدي معا الامير جدي بن زريبه0

[سفير الجذعان]

عبدالله العمار من أهل القراين وساكن بعفيف ويسمونه العتبان الخالدي
أحد أبنائه (خالد) تهاوش مع أحد أبناء العتبان فقتله غير متعمد أو قاصد للقتل ولكن طاح الفاس في الراس على ما يقولون
رفضوا أهل العتيبي الدية رفضا قاطعا
ما قبلوا وساطات وجهاء وأمراء حتى من عتيبة
انسدت الدنيا بوجة بن عمار الخالدي فذهب الى الأمير جدي بن مناحي بن زريبة وانتخا به لمعرفته بشهامة الرجل ومكانته عند ربعه
رفضوا أهل القتيل وساطة بن زريبة
ذهب جدي رحمة الله عليه الى الأمير عبدالعزيز بن فهد ودخل عليه المجلس يحبي على يديه ورجليه
قام الأمير عبدالعزيز وطلب من جدي الوقوف وسأله عن سبب حبوه
قاله جدي يا طويل العمر ما أقدر اقف من كبر الحمل اللي على ظهري
قاله الأمير نشيل الحمل إن شاء الله
قاله جدي فك رقبة ابن عمار الخالدي

توسط الأمير عبدالعزيز بقوة فقبلوا الدية
أربعة ملايين ريال

الله يرحم الأمير جدي بن زريبة العتيبي رجل المواقف
وانكتب لخالد بن عمار الخالدي عمر جديد





هاذي قصيده الشاعر خالد بن عبدالله العمارالخالدي في الاميرجدي بن مناحي بن زريبه يرحمه الله
احدا امرا قبيله عتيبه وشيخ شمل قبيله الجذعان والسياحين

البارحه يـوم العـرب نايمينـي=عيت عيوني لاتـذوق المنامـي
وعيا الكرى من حستي لايجينـي=والمرذقـتـه والقهرميركـامـي
ماحد ٍصبرصبري من الصابريني=فالشرق والغرب وجنوب ٍ وشامي
ولاظنتي قبلي وبعـدي حزينـي=انا الحزين اللي طـواه الهيامـي
ياونتـي ونيتهـامـن كنيـنـي=ماونهامثـلـي كسيرالعظـامـي
راح الفقيداللي يفـك السجينـي=راح الاميراللي عليـه الكلامـي
ركن ٍمن الهيلا حكيـم ٍ رزينـي=شيخ ٍ يحل المعضله والخصامـي
جدي سمي الجـدي يالعارفينـي=اسم ٍكبيـر ومـن كبارالاسامـي
شيخ ٍ ولد شيخ ٍ وضلع ٍ متينـي=متسلسل ٍمن روس قوم ٍ كرامـي
سلايل اللي يلحمـون العرينـي=ترثة حباب ومن يفك الجهامـي
من يوم قالومات واشيب عينـي=ماحد ٍعلى الدنيامن الناس دامـي
اعزي اللي يذبحـون السمينـي=لطامة العايـل نهـار الزحامـي
ابناه واخوانـه أسـود العرينـي=واعزي الزربان واهل المقامـي
مانسى جميله والعرب خابرينـي=حلفت انا مانساه دايـم دوامـي
مرحوم ياللي فالمواقـف يبينـي=تبكيك نجد وكـل قـرم ٍهمامـي
ياحي ياقيـوم وانـت المعينـي=اتسكنه جنـات بـرد وسلامـي

[عبدالله الجـــذع]

الله يرحمه ويسكنه الجنه

الفعل الطيب مايروح يبقى ذكره حتى بعد موت صاحبه


الف شكر لك


محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابو ضيف الله]

الله يرحم الامير جدي بن زريبه ويسكنه فسيح جناته

واشهد ان الخالدي صدق يوم قال:

ركن ٍمن الهيلا حكيـم ٍ رزينـي = شيخ ٍ يحل المعضله والخصامـي
جدي سمي الجـدي يالعارفينـي = اسم ٍكبيـر ومـن كبارالاسامـي
شيخ ٍ ولد شيخ ٍ وضلع ٍ متينـي = متسلسل ٍمن روس قوم ٍ كرامـي
سلايل اللـي يلحمـون العرينـي = ترثة حباب ومن يفـك الجهامـي

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[شوق الصعيبة]

ونعم باهل الجود والطيب

ولايستغرب المدح من الممدوح ، وهم اهلٍ له

المشاركة الأصلية كتبت بواسطة سفير الجذعان

ذهب جدي رحمة الله عليه الى الأمير عبدالعزيز بن فهد ودخل عليه المجلس يحبي على يديه ورجليه
قام الأمير عبدالعزيز وطلب من جدي الوقوف وسأله عن سبب حبوه
قاله جدي يا طويل العمر ما أقدر اقف من كبر الحمل اللي على ظهري
قاله الأمير نشيل الحمل إن شاء الله
قاله جدي فك رقبة ابن عمار الخالدي

توسط الأمير عبدالعزيز بقوة فقبلوا الدية
أربعة ملايين ريال

ياكبر تهاويل البدو كبراه

آخر تعديل شوق الصعيبة يوم 06-May-2010 في 06:06 AM.

[ولدعساف]

..


الله يرحم الشيخ/ جدي بن زريبه ((فقيد عتيبه)) ..

ولا يستغرب الطيب من أهله ..

لآآهنت سفير الجذعان ..

,,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[أبوثنتين]

الله يرحم الامير جدي بن زريبه

رحمة واسعة ويدخله فسيح جناته



عزالله فقيدة على القبيلة


وصدق الخالدي في أبياته


ركن من الهيلا حكميم رزيني
شيخاً يحل المعضلة والخصامي



لاهنت يا سفير الجذعان

[سفير الجذعان]

لااهنتم على المرور للموضوع

[بندر النفيعى]

و نعم بالجذعان وشيوخهم وابن زريبه يقول ويفعل

[خالد بن مورق]

ياطيب الجذعان

[عبدالكريم بن دايخ الزيادي]

صدق ما قال المثل


(خير الناس انفعهم للناس)


والله يرحم الشيخ زريبه ويسكنه فسيح جناته