الطارف الله يحييه

[عبدالله الفهد الاسعدي]

سلام مني للرجال الي لهم قدر كبير = سلام حسب الشرع والملعب لها فرسانها
الي يبا يلعب معي يامرحبابه من يصير = يقلط وقدامه ملاعب زايه ميدانها

[الأسد44]

صح لسانك راع الزلفي


وصح لسان قبيلك مقدما


وننتظر الفارس الثاني


متابعين ،،،،،

آخر تعديل الأسد44 يوم 01-May-2010 في 07:40 PM.

[الناضم]

الله الله

صح لسانك يالذيب

[عبدالله الفهد الاسعدي]

صح بدنك اخوي الاسد 44

شكراً لحضورك

[عبدالله الفهد الاسعدي]

صح بدنك اخوي الناضم

لاهنت على الحضور الطيب

[فهد علي العازمي]

يا مرحبا ترحيبةٍ تاصلك في وقتٍ قصير=والملعبة يا صاحبي ما يختلف ميزانها
أنا وقفت بماقفي والسيف فاليمنى شطير=وانته ياولد الزلفي إحذر والمقابر عانها

[عبدالله الفهد الاسعدي]

دام البقى يالعازمي والعلم من سلك الحرير = والطيبه تكسب بها واحرص على نيشانها
قم رد سيفك في غمادك كان تبغى له جفير = الذل مايدخل قلوب(ن) مرجهن ايمانها

[فهد علي العازمي]

هات السوالف هاتها فالدرب واشوف المسير=واعطيك وزنة هرجتك فالسوق من دكانها
إن كان إبه عندك جفير أطيع شوري واستخير=والكلمة اللي قلتها محتاجٍ لبرهانها

[عبدالله الفهد الاسعدي]

السالفه ناس تخطط والعرب تشخر شخير = ياطول سبات الرجال الي تصم اذانها
الحشو يرغي مضطهد والرحل تسمع له هدير= والبندقيه يوم شيلت ماقدح صوانها

[الناضم]

الله الله

إبداع

متابع للأخير