انا لقيت الناس مكثر خبولها=مثل السحابه يوم تنزل ثعولها
تمطر على وادي حنيفه وسيلت=واروت جميع البدو حتى زمولها
ينبت به الريحان والرعي والثرى=ياصل مواصيلن صعيبن وصولها
يرقى على روس العوالي ويعتلي=ولا شاف قومن جت تشيل حمولها
واحدن على ماقيل حطه مسدحه=ياطى علاه الصبح والحال حولها
ياقلب لاتنشد عن الي نودها=سير علاها القلب وادرج همولها
يلج لج الذود والذود مظميه=في لاهب الكنه تصرر شمولها
وردن على عدن بعيدن ومنتحي=ودونه شياييكن ترفع نضولها
داجن وراجن مالقن حاذف العصا=وهاجن وراحن يم دارن وضولها
عليك يامسهر عيوني على الكرى=افيق واصحي والعرب في نزولها
اون ونة من شكى كسر معصمه=قامت تطلطح ساعده عن نعولها
اليا بغى يرتاح محدن يريحه=راحت علاه الكبد تشكي ملولها
واون ونة شايبن يلطم العدى=ضالو علاه القوم واضفو بضولها
ضرب القنا في محزمه فوق خدته=يسرج خيوله والعرب في خيولها
وانته وليفي وانته اغلى مودتي=جاك الخطاب وفي يدينك حلولها
غزليه قديمه
العرض الشجري