قصيدة في اللواء الدكتور ابراهيم بن عويض الثعلي

[زيد جميل الثعلي]

بسم الله الرحمن الرحيم

هذه قصيدة نضمتها في عمي اللواء الدكتور ابراهيم بن عويض العتيبي
وابو سامي مهما مدحناه لن نوفيه حق من حقوقه

اتمنى ان تنال على استحسانكم

قم ياقلم واكتب على فكر راعيك=وهاك البيوت المحكمات الجزالي
اكتب بخط اليد وبالفكر انا امليك=من هاجسن(ن)في وسط صدري طرالي
ويافكر في ذاليل ماوالله اعفيك=يالين تسطر ماطرا وسط بالي
في مدح من ينقض قوي الشرابيك=هذاه ابو سامي كريم السبالي
شيخ ليا التفت علية الحواليك=يقدم لها مايعترف بالمحالي
كم شيخ قومن لاعجز راح ناصيك =في مجلس(ن) فيه الشحم والدلالي
فالمجلس اللي مايجونة صعاليك =لا والله الا به زحول الرجالي
اتفك ضيقه لالفا طامع(ن)فيك = بالعسر والا اليسر في كل حالي
ماهي غريبة والوفاء من معانيك= قول(ن) مثبت مادخلبه جدالي
تشهد لك عتيبة على فعل اياديك= وكل القبايل من جنوب وشمالي
ويشهد لك اللي لازهم لك يناديك= لا دارت ابه ايامها والليالي
حيث الكرم والمرجلة من معانيك=ياللي كتبت اسمك بروس العلالي
تفتح لحل المعضلات الشبابيك = واتطولها لو انها ماتطالي
واختامها هذي هدية بناخيك= عساك تقبلها ياواف الخصالي