الصوره : )

[سلطان ابن حامد]

يمنع وضع الصور النسائيه ........... الإداره
.

.

دخلت جو الصوره هذي .. وجابت القصيدهـ كيبورديـّه : )

.

.

بعض الصور ما تعدّى كونها صوره=أدنات شاعر من الشعـّار يقراها
وألا بعضها على الشعـّار محظوره=ما كل ّ شاعر يبي يقرأ خفاياها
كل ٍ وله زاويه في بعد منظوره=وأنا حسب نظرتي مـُدرك زواياها
والمـُلهمه جابت الصوره ومشكوره=وأنا علي ّ أجتهد في حل ّ معناها
البعد والخوف والحرمان وشعوره=والبرد والليل والدمعه ومجراها
والبحر حول الجزيره فارض ٍ سوره=والسحب تبرق وترعد ما انتثر ماها
تكالبت كلـّها في وجه غندوره=النـّاس يحيونها والهم ّ يحياها
مابين كلمة فضوليـّه ومغروره=عاشت حياة ٍ غشيم اللـّي تمنـّاها
حتـّيش لو قالوا السـّالين مسروره=شف طول صمت الحزينه وين ودّاها
من برجها العاج تنزل لآجل بلـّوره=تشكي عليها مصيبتها وبلواها
الخبل لو قلت وشهي قال لك كوره=وألا الحزينه تبلور في ثناياها
والسالفه توّها لكن ّ مقصوره=بلـّورة البنت جابتها من أقصاها
قامت تسولف عن التاريخ وعصوره=وعن حب ّ ليلى لقيس وصدق دعواها
وعن واحد ٍ صورته ما جات في الصوره=لو جابته صورة الفنـّان واساها
الشوق في غيبته والأنس بحضوره=والخوف حاديه والهيبه تحدّاها
دنياه الأحزان والكتمان دستوره=وليا بغى حاجته ما عاد يلقاها
وليا طلع من متاهاته وعن طوره=سوّا القصيده ولحـّنها وغنـّاها
وآخر قصيده على الصفحات منشوره=اللـّي على الغيم وصـّفها وحلاها
ولولا التعب في حياته قد لعب دوره=يمديه شطـّب على الدنيا وخاواها
خص ٍ بعد مالقاها مالها جوره=السحر في عيونها والموت بشفاها
لكن ّ غندورته ماهيب مجبوره=تجعل طهوم المشاعر تسكن أرجاها
دام إن ّ الإقفاي والصدّات مقدوره=تقفي بحفظ الولي والله يرعاها
قدّام تقضي عليه وتخلف أموره=ويصير همـّه منادمها ولاماها
النفس قد قيل منهيـّه ومأموره=إمـّا وقفنا لها وألا تبعناها
يقوله اللي لقى صوره ومبتوره=ومن واقع التجربه كمـّل حلاياها

: )

التوقيع

توترتي هنيـّا : )

[عيد بن مرضي]

الله الله

"سلطان ابن حامد"


صح لسانك لين ترضى


رائعه جداً لاهنت

[علي فلاح العضياني]

الله االله



صح لسانك يا سلطان



الايام هذي هواوي ما شاء الله عليك هههههههههه


قصيدك جزل و انت جزل طال عمرك

التوقيع

(( رأس الحكمه مخافة الله ))

[منصورالزبيلي]

المشاركة الأصلية كتبت بواسطة علي فلاح العضياني

الله االله



صح لسانك يا سلطان



الايام هذي هواوي ما شاء الله عليك هههههههههه


قصيدك جزل و انت جزل طال عمرك

منصور الزبيلي

[نوآف الغنامي]

الله اكبــــــــــــــــــر






سلطان ابن حامد




صح والله لساااااانكــــ
صح والله لساااااانكــــ
صح والله لساااااانكــــ
صح والله لساااااانكــــ



ابدااااع غير مستغرب




اعجاااابي

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[سـعـد الـعـصـيـمـي]

النفس قد قيل منهيّه ومأموره
إمّا وقفنا لها وألا تبعناها

لاخليت منك ومن قصيدك الجزل ياجزل

كثرلنا من الصور

[أبونواف]

الله الله

"سلطان ابن حامد"


صح لسانك لين ترضى



قصيدة في قمة الجزااااله


وهذا غير مستتغرب منك ..

[سلطان ابن حامد]

صح بدنك يا ابن مرضي

والله لا يهينك

تقديري لك ،،

[عبدالله العصيمي@]

صح السانك والصوره لها ابعاد مجنونه


والقصيدة تشرحها


تحيتي لك

[أسير القوافي]

صح لسانك ياكنيق




مبدع مبدع .. ولا توفيك حقًك ..




وتراني متآبعك في كل داحور << من حبًك




داحور/// منتدى هههه



تقديري لشخصك ايها الفذ