سلام الله على رجل السلام

[سلمان الحافي]

السلام عليكم ورحمة الله وبركاته

هذه القصيدة وطنية بمناسبة مهرجان الجنادرية وقد تشرفت بالقائها امام سمو سيدي الاميرمتعب بن عبدالله حفظه الله

سلام الله سلاماً مايساق الا على الحكام=مهوب اطرف سلاماً كل من جابه تغنابه
سلام الله على رجل السلام بدولة الإسلام=عريب الساس لاجات المواقف يحسب حسابه
سلام الله على الحاكم على العادل على الإمام=على اللي كل مسلم وامة محمد تقدابه
حكيم الراي ابومتعب لياساق الضعن قدام=يجي للنصر في هذا العصر ُوسطى وسبّابه
هذا هو خادم البيتين هذا الليث والضرغام=حضوره مفخره وان غاب كلا يحسب غيابه
هذا اللي فزعته في وقتها يفرح بها المنضام=هذا اللي دون شعبه ماقفل صدره ولا بابه
هذا اللي باليمين الطاهره يمسح دموع ايتام=هذا اللي من حنانه دمعته سالت على اهدابه
هذا اللي بالمواقف ما تطاول داره الأقزام=هذا اللي قدمه الجابان ماينطق ولا جابه
هذا اللي للعروبه والعرب درع وذرى وحزام=هذا اللي عن دقون المسلمين تعدي اشنابه
هذا اللي كلمته بالموتمر لجت بها الإعلام=هذا اللي هقوته تغلب هقاوي من تهقوابه
هذا اللي بالنظام يحاسب المجرم على الإجرام=وقف للمعتدين ورد الإرهابي عن ارهابه
هذا اللي دون جده واهل جده قام ما ينلام=وحاسب كل مخطي والخطأ ماهوب يرضابه
ملكنا العادل اللي للمواطن حقق الأحلام=دخلنا العلم في عهد الزعيم مع اوسع ابوابه
وابو خالد ولي العهد عاش ودام عزه دام=شفاه الله وعاد بخير سلطان وفرحنابه
هذا سلطان سلطان الوفا والخير والإكرام=كفوفه وبل غيثن من سحابن تبرق اعقابه
تحلا بالكرم والعلم بإدراك ووعي والمام=وكفن بالشجاعه مايداوى جرح مضرابه
وزير الجيش ليثن بالوغا دون الوطن مقدام=معه جيش البلاد اللي نهار الحرب حرابه
وأخوه النايب الثاني على جنبه ومعه حسام=وزير الداخليه مثل حد السيف ونصابه
هذا نايف ونايف للعدا موتن حمر وكعام=عمود الأمن قوم بيت الأمن وجود اطنابه
ضرب كل الخلايا النايمه وامنه معه مانام=رجال الأمن مع نايف اعيال نمور وذيابه
ولا انسى امير نجد اللي وفاه يصحي النيام=جلس فوق السنه مع جنب اخوه وهو على اعصابه
صحيح ان الوفا سلمان ذا تصريح مني عام=يقوله شاعرا ببوفهد ما ينقص اعجابه
وبدر الله يديمه للحرس في ماقفه جزام=حرسنا يفتخر به كل حزه ويتباهابه
ومتعب نايبه يسلم وحنا للوطن خدام=وخداما لحكام الوطن ونقبل ترابه
نعيش بكل شبر من البلاد ترفرف الأعلام=تحت راية هل العوجا وهذا اللي رضينابه
ونربط حاضر الأجيال بالماضي من الأعوام=مثل هالمهرجان اللي على القمه رقينابه
نعيد تراثنا في كل عام وتضحك الأيام=تراث اجدادنا اللي نعتني به ونتحفوابه
ليا جاء للهجوس الصادقه بين الضلوع زحام=قصيدن مايجّمل والله اني ما تسمّوابه
وصلاة الله على وجه الرسول اخير مسك ختام=عليه افضل صلاة وصادق التسليم لأصحابه

[شجاع السواط]

اللهم صلي وسلم على نبينا وحبيبنا محمد ..


الرائع سلمان الحافي ..

حضور مشرف لنا جميعا .. وبيض الله وجهك ..


والوطن ينتظر من ابنائه الكثير الكثير ...

عبرت عن مشاعر الجميع تجاه الوطن وولاة الامر ..

لك الود والتصفيق ..

وتقبل تحيات اخوك ..

[مرزوق حمدان العتيبي]

..
.
جزله وغير مستغربه منك ياشامان
يستاهل ابو متعب
وانت ابيض وجه وشاعر عذب ياسلمان

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فهيد الايدا المورقي]

سلام الله على الحاكم على العـادل علـى الإمـام=علـى اللـي كـل مسلـم وامـة محمـد تقدابـه

الله يحفظ خادم الحرمين الشريفين ويطول بعمره



سلمان الحافي صح لسانك على القصيده الجزله


تحيتي

التوقيع

حسابي في تويتر faheed_1234

[فهد رشيد الزلامي]

صــــــــــــــــــــــــــــــــــــــح
لــــــــــــــــــــــــــســـــانــــك

والله يعز الدوووووووووووووووووووووووووووله

[سلمان الحافي]

اشكر العموم على المرور