الا يالهبوب الباردة عجلي هبي

[صبي عتيبه]

*** الا يالهبوب الباردة عجلي هبي ******** على جاش من قامت هواجيسه تلوبه

*** أنا مرةٍ اصحـى ومرن يغيـبــي ******** أسرح مع كـثــر الطــواري بغـيـبـوبه

*** ألا يادهــر ماهوب حق تلاعـبي ******** رماني الزمان لمقرد الخلق لعـبـوبـه

*** عـباد معـفلها الزمـان وتعـجـبـي ******** يحسبون قل المال في الرجل عذروبه

*** وأنا قانع بللي علي كاتبٍ ربـــي ********* ومـومـن بمـقـدوره وقانـع بمكـتوبــه

*** ولا أبغى عمى الأريا برايه يجربي ******** وهو ماعرف ماجوب ربي وما جوبه

*** هذور المجالس راعي المدح والسبي ******** وهو في الخلا لو جاه بنت خذت ثوبه

*** يقولون لي جز من تصرفك وتحبي ******** وانا توبتي من مجتمعهم هي التوبــه

*** ديـار الوبـا من طبهـا راح مـتوبـي ******* وقرابة الجربا على الحول مجروبــه

*** وانا عارف منصاي لا من بـدا نبي ******** وعارف طريقي اللـي بتجـه صـوبــه

*** وانا أعـرف من أعـادي وعارف من أحبـي ******** وبه ناس لاتبغض ولاهي بمحبوبــه

الشاعر/ سعد الأكلبي
ويمجاراة غازي بن عون

تـشـوقـت فـيـهـا يـوم لـقـيـتـهـا لـبــــي ******** راع القصيدة داعب القلب باسلوبه

على شان في موضوعها ماحرش ضبي ******** تشوق محب شايف زول محبوبه

هـجـوس تـكـبر مـع معـانيـه وتلـبـــي ********* وخلاني أمشي مع مماشيه وادروبه

ويلوم الهذور اللي على الهذر متربي ********* وهو يشتكي من قسوة الوقت وخطوبه

بخـيـل ذليـل عـلـته مالـهــا طـــبـي ******** امشاهد عيوب الناس ماشاهد اعيوبه

ولا لوم من جاشه من الغيض متعبي ******** وشذب القفى غاية مرامه ومطلوبه

عسى ساق من لامه بما قال ينجبي ******* على من تناجوا بالمقفى ونموبه

ليا ضـبـه الجبـار ماعـاد ينضـــــبــــي ******* وصوابه من الركبه ليا حد عرقوبه

أصارع هموم عن يمـومـي تجنـبــي ******* تجيني به أنواع الغرابيل مجلوبه

وأحول بسوق عن هل الكون متخبي ****** وتكشفـلي آفات عن الخلق محجوبه

وانا أرجي الفرج من وامر الوبل ينصبي ******* مدبر ابن آدم خالقه غافر ذنوبـــه



مجاراة عبدالله بن عون
انا يوم غازي جاب تقريره الطـــبي
عن الأكلبي درته وفوجيت باعجوبه

*******وتواشى بجاشي واهج الشوق واشتبي
على مشرع حلو على الكبد مشروبه
****** ورمع للجنوبي رامع الشوق واجنبي
وعلى شوق ابن جدلان خاويت مندوبه

********ولو ماجذبني لا عزيمـه ولانـــبي
جذبـني حديثـه مع اثنيـنٍ تناجوبه

********ولا لوم ابن جدلان ولو عاش متخــبي
وهجر ساحةٍ فيها الموازين مقلوبه

*******احد صاير قاضي واحد صار متنبي
واحد صاير عوني على حسب مطلوبه

******* وهو لو يرد بحر المواهب على غبي
يـصـدر حصيلــــه مايـجـي ربـع انبوبـــه

[ابن عاصم]

صبي عتابه

سلم راسك وسلمت يمينك


اللي ما تنقي الا كل ماهو سميـــــــــــــــــــــــــــــن


ثلاث قصائد لثلاثة اعلام من اعلام الشعر

روعه روعه روعه

اختيار موفق وجميل


ياصبي عتابه

[أبو عتب من مصده]

تسسسسسسسسسلم يمناااك أخوي مااقصــرت عز الله انك كفيت وأوفيت



تقبل تحياتي :أبووو عتب