ابن منور لو سمحت اقرب جاي

[سعد حميد الثبيتي]

يابن منور قوم والمعنى على خمسة حروف= يبقى ثلاثه لو تشيل اثنين والمعنى سليم
فوق الثنيه والرباع اليوم حديت السيوف= قلبي حجر ماهمني لو يذرف الدمع اليتيم

[ماجد العصيمي]

يا شيخ حرام عليك ايش الكلام هذا هههههه



صح لسانك وبانتظار ابن منور

[سعد حميد الثبيتي]

حياك الله يالغالي ومافيه الا كل علم زين وهذا الشعر وطروقه ههههههههههههه عموما لك مني كل تقدير

[علي الشهراني]

صح لسااااااااانك يا بو حميد




و صح لسااان ابن منور مقدما




و اكيد متاااااااااااااااااااابع

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[سعد حميد الثبيتي]

متابعتك مدعاة للفخر وانا يشرفني ويسعدني متابعة شاعر متمكن مثلك عموما حياك الله يالشهراني مليون لك مني ومن ابن منور كل تقدير واحترام

[خالد الثبيتي]

ياربي انك ترزق العميان لو ساعه يشوف = كلٍ حسب النوايا يا سعد دربك سليم
انا سمعت اللي يدقون الطبول مع الدفوف = يالله يا غفار تغفر لي ذنوبي يا كريم

العجله ما فيها خير ههههه

تم التعديل

آخر تعديل خالد الثبيتي يوم 23-Mar-2010 في 07:42 PM.

[سعد حميد الثبيتي]

اللي يباري للجمل ماهو كما اللي فالردوف= واللي بلا حجه ليا حك الزند ماهو خصيم
ام الكباير ماجداها غير تصفق بالكفوف= من حر ماتونس غلا في بطنها مثل الجحيم

[خالد الثبيتي]

يا ذيب ياللي واقفٍ فوق الجبل ما منك خوف = ان كان لك نية غزو روّح و دوّر لك غشيم
اللي توفت ما عليها لا غبون و لا حسوف = اللي بكاها واحدٍ لاهو شجاع و لا حكيم

[نيااااف]

مبدعين ومعنى كايف تسلمون

[خالد الثبيتي]

صحت الابدان و لا هنتوا على المرور