الطير ماهو مغيـــرً سنجنته ياللي تربيه

[رعد الروقي]

مساء الطيب

الطير ماهو مغيـــرً سنجنته ياللي تربيه=بكرة مصيره على راسك يحول بالحيايا
لكن عابن بعقلك واحفظ اللي تخسره فيه=قدام تغدي من اسبابه وترفع لك قضايا

[علي فلاح العضياني]

الله الله


واصلك الرد

التوقيع

(( رأس الحكمه مخافة الله ))

[حاكم الغنامي]

صح لسانك يالعمده

وصح السان ابو فلاح

متابع

التوقيع

سبحــــان الله وبحمدهـ hakem81@live.com

[علي فلاح العضياني]

صباح الليل

طير السعد يالعتيبي ما يخيّب ظنّ راعيه=قال المثل لا توصّ الحر ما يبغى وصايا
يالعمده الجاهل اللي ما يعرف الصقر يشويه=هذا هو المحتمل و الله عليمٍ بالخفايا

[محمد النخيش]

الله الله




متاااااااااااابع

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[رعد الروقي]

ابرك الساعات اللي جابت العلم ابو فلاح نتعلم منه


ارحــــــــــــــب واستلم طال عمرك

يابن فلاح انت لا أم الطير وتضمه ولا ابيه=خله مركن يطالع صورته وسط المرايا
من كد صابرك تشريه له وتقطع له وتعطيه=لكن ما اخذت حذرك من ملوية النوايا

[علي فلاح العضياني]

ما عليك زود فيما قلت

صحيح ماني وكيل آدم على باقي ذراريه=لكنّ علم الوفا ميزه من اهمّ المزايا
كلٍ على قدّ ما يعمل ترى ربّه يجازيه=الصدر للشيخ و اللي فالزوايا فالزوايا

[رعد الروقي]

يا علي ..مجنون رجــــــّــالً يسلح قوم تغزيه=الصبح والا العشية واصلينه بالسرايا
أما تصر المنيحــــــة والزمن تسلم بلاويه=والا تقبل جميع اللي يجيبه من هدايا

[ابو فايح]

قاف يحتاج إلى عوده ومخمخه


صحت الألسن مقدما

التوقيع

عالم تويتر abofayeh@

[رعد الروقي]

المشاركة الأصلية كتبت بواسطة علي فلاح العضياني

الله الله


واصلك الرد

هلا وغلا يا سعادة المستشار


وصل الرد والله يكفينا شرك