إخواني هذه القصيدة المتواضعة أمل أن تحوز على شيء من إستحسانكم
موت قيس اصل السبايب فيه ليلى العامريه
يانوادر شعري اللي منتقيك أقبل عليه =ولايجيني منك ياكود الذي يروي ظمايه
الهوى قتال والغيبة على المبطي قويه = وانت ياشعر الغرام اقبل وخلك في نحايه
قاقد الخلان كنه فوق نيرا(ن) لظيه = من فقد غاليه حاله عودت حاله كمايه
لاسمعت اللي يسولف فالهوى يطري عليه =البرد والورد والجمر الحر مدري عنايه
لاتكاشف بارق(ن) في سد ليل بسد فيه =ينفضح ليل الظلام لبارق(ن) ماسل مايه
وان غشاه الليل واسدل ظلمته ماشفت زيه =وان فهق بان الصباح اللي فضى نوره سمايه
والعسل والسحر في منطوق وضاح الثنية =وفيه شايه يوم كل انسان له ميزه وشايه
رغبة وخوف(ن) وامن من غير قوة جاذبية =ان تكلم قلت تكفى وان سكت رددت الآيه
ويعتلي صدره لياقبل مثل بيض الراعبية =الله الله وين دورك يالزرار ويالعبياية
وضامر(ن) يشبه ضمور اللي تسرج للغزية =بضف شيخ(ن) له على دار المعادين انتحاية
ويوم يقفي صار مايكسيه طيه فوق طيه =كنه يعاندني وكنه يبا يبحث خفايه
والرموش اللي ليااسدلها شوي ولد فيه =كني اشوف المنية من سهوم الرمش جايه
والعيون اللي بها الموت المحقق والمنية =كل جندي من جنود اعيونها فيه الكفاية
كن ذي تقول ذي وكن ذي تقول ذيه =تشرح آساليب فن الحب في بحر الروايه
وويش اوصف وويش اخلي والوصايف يوسفية =قال قاف الشعر عفواً قلت له شرح سرايه
وبالعبارات المميته كنها تحكم عليه =بالكلام اللي يبى يبعد نواها عن نوايه
قال للعشاق تدرني مافيه مرحميه =ولانت باول من صدر حكمي عليه وراح تايه
قلت ربي يرحم اللي عقبوك ارفق شويه =قبل لايكتب عليك ذنوب وش لك من ورايه
ويرحم الله والديك ويرحم الله والديه =حط لك مابين رايات الكرم والطيب رايه
وسو مايعجبك سوه واعرف اني ماعليه =كل ذا هجرك وصدك مايقلل مستوايه
اتسلى بالاماني واللحون السامريه =ولاطواك للي طواني جيت مقصودك رضايه
وكل مايطري عليك وكل مايطري عليه =بالتفاهم والوفاء والصدق خلك في هوايه
وخل عندك وسع بال وخل عندك معنويه = واستمع شكواي زين وقول لي ويش النهايه
ياكريمة ياحسنية دل مدري ياوفيه = ياعديمه يافريده يابعد غاية منايه
ياوحيدة هالزمان اللي ماجاء مثلك حليه =غايتي يومـ(ن) كل انسان له مقصد وغايه
قبل لارمي غترتي واصيح لرجال الحميه= وينكشف سر(ن) عميق ويفرحون اهل الوشايه
موت قيس اصل السبايب فيه ليلى العامريه= بس وش ليلى الملوح مع وصايف مبتغايه
عاشوا البدو الكرام وعشتي انتي يابدويه = والسبب برق الربيع بارقه يبحث خفايه
[/poem]
[/poem] [/poem]
« آخـــر الـــمـــشـــاركــــات »
11-Mar-2010, 09:39 AM
موت قيس اصل السبايب فيه ليلى العامريه
العرض المتطور
