عبد الله المسعودي ومستور العصيمي

[ابن المحايا]

السلام عليكم ورحمة الله وبركاته



عبدالله المسعودي


سلام من هاجسٍ ماختلف نوعه * لو كـل الأيـام تخلـف حلاياهـا

والموهبة شي والعلم شي ثانـي * سيلـك بلانـو يانـازل الـوادي

ياقاضيٍ حكمته من تحت كوعه * من لايعـرف الصقـور يتشواهـا

كم اكلت النار من صقر شيهاني * والريم ترعى ورا الضلع من غادي


مستور العصيمي


إعداد مشعشع النور بطلوعـه * يامرحبـا مـن هجـوسٍ بمعناهـا

وان كان جاك الخبر فالخبر جاني * من صدر مهتاض ماجيت نشادي

اللي يبا يزحم الضلع بضلوعه * خطرٍعليهـا مـن الضلـع يرزاهـا

ليش العوي ليش يالذيب سرحاني * عنيت نفسك وعنيـت الاجـوادي


عبدالله المسعودي


ياخيال وبروق ورعود مسموعه * لكن مايشرب الطير من ماهـا

مافالسنه حب خوخ ورماني * والحال مايسمـن الا مـن الـزادي

مجنون ليلى سقى الرمل بدموعه * عشرين ليلـه وليلـه مايلقاهـا

البطن جيعان والطرف سهراني * والراس مرشوش بالورد والكادي


مستورالعصيمي


كلٍ جوابه على قيس موضوعه * واللي كتبهـا عـرف كيـف يقراهـا

انا على الدرب محدٍ تعداني * احرص من ابـرص وبـادي ورا بـادي

الضحك بالضحك والحرب بدروعه * واللي على البال مدري وش اطراها

جاكم نبـا مـن سبـا ياسليماني*اوحيـت مرسولـه ايصيـح وينـادي


عبدالله المسعودي



لي حاجةٍ مادري وين مرفوعه * والسارحه صبح يابعد ممساها

المر فالقلب والحلو فلساني * والبغض بالعين والحب بفـؤادي

ايعيش نفرين ويموت مجموعه * وتصير كرامة ياعقيل لألحاها

والله لو لاي لولاي لولاني * لاقول يهديك رب السما الهـادي



العصيمي



يد الحرامي من الكوع مقطوعه * والسارحه صبح ياسرع مضواها

السر لو اعرفه وافهمه ماني* بياح الاسـرار جـراح الاكبـادي

ياشاعر اهذيل مافيه مطموعه * انت ابن مسعود مانت ابـن طـه

لاتقعد اتقلي اهذيـل جدانـي * واعـود اقلـك اعتيبـه اجـدادي







أتمنى ان تنال على اعجابكم

[فهد الشيباني]

يعطيك العافيه .. محاوره عمالقه .. عنيين عن التعريف .. لاهنت على المجهود

التوقيع

.. ارسم لنفسك حدود الخطوه المنظومه واحذر احذر لاتزل اقدامك وتاكلها الحياه الفانيه في ناظري معدومه كان ماحددت قمه للهدف تاصلها

[ابن المحايا]

لاهنت على المرور يالغالي