وحنا وحرب في هامة وطنا مثل عين وعين=شبابه كل موقفنا سواء والنار شبّابه

[ولدعساف]

بسم الله الرحمن الرحيم

هذه القصيدة القاه الشاعر طراد الضميان بمناسبة حفل الشيخ مناحي بن جدي بن زريبة الذي أقامه لعدد من شيوخ قبيلة حرب بتاريخ 11/3/1431 هـ قرب منطقة حائل

باسم ربٍ بعث فينا نبيّه نصرةٍ للدين=وجعلنا مسلمين وعزنا فالكون بكتابه
بدينا والبداية بعدها الترحيب باللافين=عدد من طاف محرم في حرم مكة وصلابه
هلا ياشيوخ حرب اللي قبلتوا دعوة الداعين=وشرفتوا محلن كل من ينصاه حيابه
لكم قدر ومعزّه عندنا في كل وقت وحين=ولكم تاريخ كل متابع التاريخ يقرابه
بنيتوا مجدكم يوم القنا والسيف أبو حدين=وهذا علمٍ ثبات وقوة البتار بنصابه
أهل جيرة وأهل سلم ووفا من ماضيات سنين=وأهل سيف ليا جت حاجته معروف مضرابه
حضرتوا في محل اللي على سلم الوفا وافين=أهل بيتٍ عوا صيف الدهر ماهزت اطنابه
محل شيوخنا الزر بان شوخن مثل سور الصين=ذرا وحمايةٍ للي زمانه كشر أنيابه
لهم وقفات في وقت القسا منها الحديد يلين=ليا منه ذكرها الحر الأشقر كف مخلابه
من عتيبة هل المجد التليد ومقتضين الدين=قبيلة يفتخر فيها الحجاز ونجد وهضابه
أهل يامرحبا وأهل المروة والمقام الزين=ومقسمهم ببيت العز من بابه إلى بابه
وكلن فيه حقه من بعيد الناس والأدنين=على ماقيل كلٍ قد جسمه يفصل ثيابه
وحنا وحرب في هامة وطنا مثل عين وعين=شبابه كل موقفنا سواء والنار شبّابه
ذكرها لافي الغيداني الحربي قبل عامين=يقول اقرب ثنينٍ من بعضهم حرب وعتابه

وسلامتكم[/quote]

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها