يا موتري

[محمد عويض الثبيتي]

:



:



:



:

يـا موتري لا هـــنـت وادي حنـيــفة=لي حاجةٍ في ذاك مبطي و لا جات
لــبـــــيه يا راعي العلوم النظـــيفة=جيتك من الطائف رغم المسافــات
أربع ســـنين ووقــت ماني مضيفة =لسنين عمرٍ ٍناقصة بعـض الأوقات
لــبــيه يا مربـــاع قلبي ومصيفــه=يا واحــــدٍ عندي يسـاوي جماعات
خوّة رجل شرواك ما هي حسيفة=بالمال أشريها و خشــم الريالات
لا ضاق صدري من زماني وحيفه=يطري على بالــــي زمانٍ لنا فات
يوم الرجل يفــرح إذا جاه ضيــفه=يرخص له الغالي على الفقر حزّات
يدفـــع عن المظلــوم ضيــمه بسيفه=ياطى على الحيات يرقي الصعيبات
عــون الرفيق وكافـــلٍ للــضعــيفه=ماهو محسّب قول عطني ولا هات
هــــذاك صقرٍٍ فــوق تسمع رفيفة=رافــع مكان أبوه وأبوه قد مــات
ليته يشوف لبعضــنا من وظيــفة=في مجلسه ندرس علوم البطولات
ليت الهوى والكيف كله بكـــيـــفه=ما كان في الدنيا رخومٍ و عيـّـات

محمد الثبيتي

[محمد الحميدي]

صح لسانك يامحمد الثبيتي

التوقيع

[((الروقي))ابن فهيد]

صح لسانك ومشكور علي القصيد

[مرزوق حمدان العتيبي]

..
.

مبدع للغايه ...
وابداعك غير مستغرب صح لسانكـــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الصويت الثبيتي العتيبي]

صح لسانك


وبيض الله وجهك


تقبل مروري



الصو يــــــــ الثبيتي ـــــــت