قصيدة " وجدانية - الهيـــــــــــــلا *** منتدى قبيلة عتيبة

أبونايف الروقي · 02-Mar-2010, 02:47 PM

مهرة الخيالي

هذه قصيدة أرجو أن تحوز على شيء من إعجاب قراؤها الكرام

]

لنطلق حبل الرسن من مهرة الخيالي =صار ركض المهرة الصفراء لمن يدعيها
يسهر الليل الطويل ولالقاله والي =مالقا اللا صورة بالحلم ينظر فيها
كل ماتغمض عيونه قال ياعزالي=كيف تفلت مهرة الخيال من راعيها
هكذا راحت بليا معركة وقتالي =والله اللي ينشيء الأنسام ثم يجريها
ليتها راحت بسوق محرج ودلالي = أوهديه بس صفرا اللون من يهديها
ياوجوده وجد عود(ن) ماوراه اعيالي= ما وراه اللابناته والفقر حاديها
عشر تحت ولايته والله هو اللي والي = واقرب العربان له كرامته واطيها
من زهمته يايبه قال آهـ ياغربالي = ويتنهت من غبونه عبرته يخفيها
من يشوفه قال وشبك كن فيك اهبالي= وصد كن اهروج بعض الناس مايوحيها
او وجود اللي وقع والجيش به زرفالي= مايميز بين كسر الساق من شاظيها
قبل لايغرب شفق شمس العشي التالي= وان سمع صوت الذيابه عود إيجاريها
او وجود اللي دعوه بهاتف جوالي =دق جواله وقال الله يعدينها
يارجال الخدمة الصحية ادنما لي=ويش هرجتكم من أولها لياتاليها
أو وجود اللي وضع له في مكان(ن) خالي = متهم في مشكله ماضنه ايسويها
تهمة قشرا وحاله صار بقشر حالي = بين عيب وبين سجن وغربه يقاسيها
لاعوين ولالقاله حيلة يحتالي= وبعد عشر اسنين اقر ابها على مافيها
ومن شناعة جرمه اللي قرب من تالي= قال شيخ المحكمة حرام ما نظر فيها
ولانظر بوضعه ولاوضعه يدور بالي= كود عشر اسنين غير اللي مضت يقضيها
وبعد سمعه للخبر كبر ودمعه سالي= يحسب احساب السنين الشهب من يطويها
كل هذا الوجد وجدي فالزمان التالي= ما بقا اللاصورة بالحلم اطالع فيها

[/poem][[/poem]/poem]

آخر تعديل أبونايف الروقي يوم 02-Mar-2010 في 02:56 PM.

محمد الحميدي · 02-Mar-2010, 05:39 PM

لنطلق حبل الرسن من مهـرة الخيالـي
صار ركض المهرة الصفراء لمن يدعيها
يسهر الليـل الطويـل ولالقالـه والـي
مالقا اللا صـورة بالحلـم ينظـر فيهـا
كل ماتغمـض عيونـه قـال ياعزالـي
كيف تفلت مهرة الخيـال مـن راعيهـا
هكـذا راحـت بليـا معركـة وقتالـي
والله اللي ينشيء الأنسـام ثـم يجريهـا
ليتها راحت بسـوق محـرج ودلالـي
أوهديه بس صفرا اللـون مـن يهديهـا
ياوجوده وجد عود(ن) مـاوراه اعيالـي
مـا وراه اللابناتـه والفقـر حاديـهـا
عشر تحت ولايته والله هو اللـي والـي
واقرب العربان لـه كرامتـه واطيهـا
من زهمته يايبـه قـال آهـياغربالـي
ويتنهت مـن غبونـه عبرتـه يخفيهـا
من يشوفه قال وشبك كن فيـك اهبالـي
وصد كن اهروج بعض الناس مايوحيها
او وجود اللي وقع والجيش بـه زرفالـي
مايميز بين كسر السـاق مـن شاظيهـا
قبل لايغرب شفق شمس العشـي التالـي
وان سمع صوت الذيابه عود إيجاريهـا
او وجود اللـي دعـوه بهاتـف جوالـي
دق جـوالـه وقــال الله يعديـنـهـا
يارجال الخدمـة الصحيـة ادنمـا لـي
ويش هرجتكـم مـن أولهـا لياتاليهـا
أو وجود اللي وضع له في مكان(ن) خالي
متهم فـي مشكلـه ماضنـه ايسويهـا
تهمة قشرا وحاله صـار بقشـر حالـي
بين عيب وبين سجن وغربـه يقاسيهـا
لاعويـن ولالقالـه حيـلـة يحتـالـي
وبعد عشر اسنين اقر ابها علـى مافيهـا
ومن شناعة جرمه اللي قرب من تالـي
قال شيخ المحكمة حرام ما نظـر فيهـا
ولانظر بوضعه ولاوضعه يدور بالـي
كود عشر اسنين غير اللي مضت يقضيها
وبعد سمعه للخبر كبر ودمعـه سالـي
يحسب احساب السنين الشهب من يطويها
كل هذا الوجد وجـدي فالزمـان التالـي
ما بقا اللاصورة بالحلـم اطالـع فيهـا

صح لسانك

التوقيع