حوار شيق يحكي حال بعض الأسر

[عاشق التراث]

حوار تم بين رجل ديراوي وزوجته بس مهو ديراوي صح لا ديراوب مجدد يعني من الجماعه اللي مايشوفون الحياة على الوجه الصحيح تنقصهم الخبره وليس لديهم الأستعداد للتعلم من الأخرين ودارالحوار التالي0000
تكفين يبنت عمي أضهري الجوع من كبدي *> وأش تبا علمني لو تباني أضهر لك عيوني عطيتك أيها **> ياااالله إني دخيلك وأبك عيونك ماباها00أباعيشه 0وأش تبا تدلع بس تدلع-- وأبك همه مايقولون تدلع يقولون تدلل تدلل 0أنا ماعلي منهم علي منك أنت000 والله لو علاك مني كان قمتي من أولآ وسويتي لي عيشه وأبك قومي عساك با لقمه والعله الملتمه000 هاه-- ماش ماش مقول شي بس قومي ---- قومي سويلي عصيده تراني أفكر فيها



قالت: ياوخيي العصيده يبالها كلفه وتعب والله انا مافيه حيل.
قال: وابوك كيف مالك حيل واولا تقولين لو تبى عيوني
قالت: المهم انا علمتك وان كان تبا حاجه غارها قمت00 اللي غارها مهو ذالحـ 000لاحول ولاقوه-- أبك هاذي ماتفكر ألآ00000أهباك الله000.ذبحتيني بالجوع وتبيــــن0000
قال: اجل سويلي مريقه على لحمه وسويلي قرص في التنور هيا توك الله ينورلش ويرحم وبيش اللي واطا راسه في التراب



قالت: أوهووو00و ياوخي هاذي يبالها شغل كثير أشب التنور واخليه الين يقصم وأعجن العجينه واحتريها الين تخمر واظهار لحمه من التلاجه الين تميع وشغلك كثير وانا والله مافيه .
قال:اجل تدرين سويلي مرقوق

شغله مهوب كثير وحطي حاجاتك على النار واخلطيها وشوي والياه خالصه وانا والله ذبحني الجوع وانتي عليتي كبدي اضنك منتي جاعانه
قالت: لا والله جاعانه وودي اسوي عيشه مار انته تبا تتعبني وشروطك صعبه
قال : اجل قومي سويلي عصيدة تماره

اظنها ماتتعبك ولا تاخذ منك وقت هيا قومي يابنية عمي الله ينور بصيرتش
قالت: حنا كل ماجينا ننفك من العصد وخلط العيشه جبت النا هرجه جديده
قال: اجل قومي سويلنا شوية رز مع العدس

وعاني الدجاجه دوبي جبتها من البقاله جديــده مبــرده اخلطي بعضها مع بعض وتوك عليه


قالت: والله ياوخيي هاذي تتعبني ويبالها شغل كثير لاكن دور غارهــا
قال: ياشيخه حرام علاش عزرتي فيه نهاري كله افكر في العيشات كلها والجوع قطع شبدي وانتي ياقليلة الميز والله يمين منتي جاعانه لاكن ذابحتش الفتره في عمرك0
ألآ ليا بغيتي الـــ00000لهذاك نشيطه00بالبايره000 عساك ماتقومين
قالت: ياوخي انت ضقت أبشر أبشر ذلحين أعشيك بس لايضيق خاطرك00 قوللي وش تبا
قال: اجل قومي سويلي رجل دجاجه مسلوقه على شوية رز والله ماتاخذ منتش عشر دقايق

قالت: والله ياوخي الدجاج ماني مسويته مع الرز مره وحده أولت امس سويته الك دجاج وقلت الي لما أضهرتي الجلد ولما غسلتي الدجاجه والدجاجه مصنه وكثرة عليه الهروج اللي دوخة راسي وانا والله ان راسي صاكني من صبح ويوجعني ومافيه لكثر الهروج0





قال: يعني مانتعشى ولا بتسويلنا عشاء انا بريحك مره وحده لانك تعبتيني وادوختيني قومي سويلنا صحن شكشوكه الله يشوفلي والك والله لوما علوم في بالي وشيين خابره واكبدي كبداه - والضعيفين هذولي الجغاد الوراعات الصغيرين إنش ماتباتين عندي لاله سوداء ياقليلة خوف الله من اليوم وانا اتلب فيك علشان اللقمه القشراء لو اني عزوبي يمديني تغديت من اليوم0 ها تدرين قومي سويلي شكشوكه بس توش عليه هيا قولي لي هاذي صعبه صاج على الغاز وترمين البيوضه علاه وانتهانا



قالت: الباض اكلوه الورعان سويته مسلوق واكلوه من صبح مايشبعون همه جايين الك نهارك كله جايبلي سلطان الجنان في مخي على سبة العيشه الله يشوف لي والك 0
قال: لا مجار علاك لن نشدتيني انتي ماتاكلين شيء وانتي نهارك كله مثل بقرة اللبان تجترين وورعانش يدنون من البقاله الغفيص والبف المروح اللي فيها وصحون الاندومي رايحه وجايه علاش0 الله أكبر ماعاد تقدرين تقومين الا على ايداك من كثر الدهك-- ـ نهارك كله000قطعااا
قالت: اجل ياخي روح عطنا رز ودجاج من المطعم الدعوه كلها ثلاثين اربعين ريال نتغدى وخلاص
قال: رز من المطعم ياقليلة خوف الله تدرين كيف يسوونه الدجاج يجيبونه من جده منتهيه صلاحيته يشترون الحبه من ريلين من عند اللي مايخافون الله ويطبخونه مع الزيت المنتهي وأليا أستوى صبو الزيت علاه حتى مايلبد ويكتونه في نحرك انتي واشباهك00 لأن ماهمهم ألا المكسب00 جماعة- الأضغان وأشباههم ...........
وياكثر اللي مثلك في البلد والريجيل ضعيفين لازمين سرا عند المطاعم كل واحد يجيني يزح في أكياسه من المطعم كانه جايب راس كليب مادرى انه جايب المرض لعياله (( اللهم لا شماته)) الله لايكثر امثالك في البلد الرياجيل ماجتهم الامراض الا بعد ماطاحو في البلاوي اللي تفكرين فيها حقت المطاعم لاكن الشرهه مهي علاكن يالنسوان الشرهه على الريايجيل اللي مايعرفون يقولون لا00 واعزي عن حالهم ...............
والله لويدرن النسوان.إن البلاوي حقة المطاعم تدمر رياجيلهن مايخلنه يجيب من السوق شي لويكلنه قرص وقوطه مار مهبل تمشي ماهي بعارفه مصالحها.





اسمعي اسمعي انا اللي بعشيكم عساك بالعش في بطنش




قالت: وش بتعشينا ياخي
قال: بعشيك مقطعه
قالت: وشنهي المقطعه ....؟؟
قال: المقطعـــه ....هـ هـ...................................!!
قالت.: أيـــه عرفتها تمـــيــــســـه عرفتها من يوم قلت مقطعه علشان عيالك يوم يجيبونها دايم قد اكلو نصها مع الدرب وتذكرت يوم تقول مقطعه0
قال: لا والله المقطعه مهي بهيه .... المقطعه حاجة ثــــانـــيه
قالت:وشنهــــــي
قال:لالالالا مغار-- هي-- التميسه00 روح ياورع قم عطنا تميسه والله ماتجيني في اولهم من يوم امك(....) وخالــك ((.....))