اعجبتني هذه المحاورة بين العملاقين رحمة الله عليهم ونقلتها لكم من جريدة الجزيره
مرحبا بالشاعر اللي كل ماشفته عرفته = وان سمح لي ودي امزح معه ساعة واتجرا
قالوا انك شلت في جيبك جنيه ولاصرفته = كان تبغى تصرفه والسوق غالي وش تحرا
مطلق الثبيتي=
البقا بالشاعر اللي يوم صادفني وشفته = ادخله فالظل ما اخليه تحت الشمس برا
لا تعلمني بسعر السوق انا جيته وعفته = ويش اسوي به رخص وانا على الغالي مضرا
صياف الحربي =
يوم حصلت اللحاف الزين بالبرد التحفته = والخيال يزيد والبراق تال الليل سرا
قلت ميعادك على راس الطريق ولا نصفته = مابقى الا تستريح وتنفض الثوب وتبرا
مطلق الثبيتي=
لا تعاتبني على دمعي ليا مني ذرفته = الحبال تحز فالمحال والمحال صرا
كيف تنسى ياكبير القلب ميقاف وقفته =يوم كل لاذ بالخيمة وبالخيمة تذرا
صياف الحربي=
الكلام اللي يزل عن الحقيقة ماولفته = ما اقدر ازعلك وانته رجل تقرا ماتقرا
انت تعرف تاصف الموقف ليا منك وصفته = مار في موقفك هذا وش تشوف ووش تورا
مطلق الثبيتي=
بعض خلق الله لو انه حذفني ماحذفته = لاجل ماودي مع الناس اتنقد واتزرا
المقفي ماتبعته والمغطى ما كشفته = اترك المجنون لو يكشف ثيابه ويتعرا
« آخـــر الـــمـــشـــاركــــات »
07-Feb-2010, 08:10 PM
محاوره بين العملاقين
العرض العادي
